عنوان الموضوع : العايلة مشكل
مقدم من طرف منتديات العندليب

السلام عليكم و رحمة الله تعالى و بركاته و رمضان كريم للجميع اما بعد
خاوتي لحباب نتمنى ترشدوني و تدعيولنا دعوة خير ان شاء الله
والله يا خاوتي تعبت من العايلة ألي راني عايش فيها رغم انو الوضعية المادية ممتازة و كرهت منها و مليت لدرجة لا توصف لحد ماوليت نتمنى يموتو كامل و لا نموت انا
حنا عائلة تقدر تقولو عايلتين لانو الوالد الله يهديه متزوج بزوجتين
أمي الاولى و مرتو الدوزيام و حاب هنا نعطيلكم نبذة على كل واحد من العايلة لان عقليتهم حيرتني والله العظيم
حنا اولاد المراة الاولى 7 منهم 3 بنات و 4 ذكور و انا اصغر الذكور 21 سنة
عندي امي "جايحة بكل معنى الكلمة و خوافة و مسوسة و خاملة و حقيقة عيب نقول عليها هذا الشي مي والله وضعيتها "كارثية" لا عندها راي كي معظم النساء لا تعرف تهدر لا تعرف تتصرف في دارها و حياتها كامل و هي تهدر برك و تانيكك عندها وحد ال15 سنة وهي تشرب في الادوية النفسية و ديما دايخة في السرير ماتدير والو
اما خويا الكبير لاعبها شيكور في الدار و المشكل الاكبر انو مايحكيش مع الوالدة من مدة طويلة رغم انو هي تعزو علينا كامل و هي نية بزاف مي كل هذا بسبت المدام ديالو و فتنتها
اما 2 خواتاتي البنات متزوجات و مايزوروش الدار بزاف بسبة بابا من جهة و خويا و مرتو من جهة اخرى
و اخي الكبير الثاني متضارب مع الوالد و وصلت ما بينتهم انو هزلو خويا السكين و كان راح يقتلو هو و عايلتو الدوزيام و وصلت للمحاكم و ذرك راهو مهاجر البيت مع مرتو و بنياتو الصغار
اما خويا الثالث ماعندي مانقول عليه غير ربي يبارك لويز
تجي دالت ختي الي تكبرني ب عام و نصف والله والله والله شكيت فيها مهبولة و بسبتها جات في بالي اني نكتب هذا الموضوع لانو قبيل دخل الشيطان مابيناتنا و قريب قتلتها بالضرب لانو فمها مقص ماتسكتش خلاص من الهدرة وتبقى تخشن في راسها و تغانن على مواضيع تافهة و الي مقلقني فيها ماهيش كي البنات القافزات و الشاطرات وزيد عليها لاراهي نضيفة كي البنات لا لسانها حلو لا هم يحزنون و الحاجة الوحيدة الي تعرف اديرها الهدرة و المغانة لدرجة خسرت عباد بزاف في حياتها و انا كيما قلت قبل قفلت عليها الباب انتاع الصالون و كنت رح نقتلها بالضرب باه نربيها مي كي شفت وجها صفار قاعدة ترجف سلمت عليها و استهديت بالرحمان و قلتلها انساي الموضوع
اما بابا ربي يهديه ديما يخزر فينا و يحمق و انا والله مستحملو لانو ربي وصى عليه برك,و مرتو اكيد الشيطان خايف لا تديلو بلاصتو خبيثة و ماكرة و ما تحب في الحياة غير خلانا و اولادها الصغار ال 3 صورة طبق الاصل عنها و عن ابي في السم و الغير و الحسد و الكره و الشر
والله يا خاوتي كرهت من هذي المعيش و راني متأكد ألف بال 100 بلي راح يا نرتاكب جريمة يا نهاجر لانو هذي ماهيش عايلة نهائيا
و طابلة فطور رمضان تقول عليها عشاء انتاع ميت ألي ساكت ساكت و أي ياكل زوز مغارف و يروح و ألي يمعني و ألي يخزر و معظم العباد متعاديين
انا يا خاوتي الحباب كتبت هذا الموضوع باه نبرد قلبي هذا ما كان و نتمنى منكم دعوة عن ضهر الغيب
و اسمحولي على الجريدة الي كتبتها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخي اولا ندعيلك ربي يفرج عليكم ويبعد الهم والغم عليكم
انت خرجت اللي في قلبك وباين راك تعبان بزاف في حياتك النفسية بلاك يخفف عليك شوية الضغط اللي راك فيه كي كتبت شوي
المهم لم تذكر لنا ماذا تعمل في هذه الحيات تقرا او تعمل او قاعد ونصيحتي ليك روح اخدم ودير مستقبلك من جهة متكونش فالدار بزاف باش متتعرضش للضغوط اللي حكيت عليهم ومن جهة تلم روحك ومن هنا على عام والا زوج اتزوج واخرج بدارك وحدك وهكذا تكون هاني واهلك زورهم واطمئن عليهم من وقت لوقت
اضيف حاجة اخرى اخي كاين ناس محرومة من الوالدين ومشي مليح تدعي على اهلك وعلى نفسك في هذا الشهر الفضيل وبدل الدعوة بربي يهديهم
هذا رايي وربي يوفقك

__________________________________________________ __________

>>>> الرد الثاني :

السلام عليك

ذكرت في موضوعك أن لك أخ ( لويز ) فضع يدك في يده و جابها عقبات هذه الحياة و أتركا البيت، أي استقلا بحياتكما، و قد ذكرت أن حياكم المادية ميسورة لذا ليتزوج أحدكما أو كلاكما و اسكنا في بيت مستقل .

و المراد قوله اهجرا مكان السوء و البيت التي قد بكون سببا في هلاكك و ضياع دينك و دنياك

و مع هذا يجب عليك أن تبر أمك و أن بلغت مما هي عليه المبالغ العظيمة بل برها و هي مريضة أشد و أوكد فكلما بلغت من العجز مبلغه كلما كان برها أوكد

و كذلك يجب عليك طاعة أبيك في المعروف

و اعلم أن الله قد فرض علينا بر الوالدين من أجل الأبوة لا من أجل صلاحهما فيجب بر الوالدين و أن كان عاصيين أو كافرين

و استعن بالله و لا تعجز

__________________________________________________ __________

>>>> الرد الثالث :

يااخي حاول تصلح نفسك وعائلتك اين الايمان من كل دلك في عائلتك ارقووو اقراو قران انصح اختك بالتي هي احسن تعاملو بالحسنى امك وريلها بلعقل انصحها مهما تكون هدي يماك وزيد تفطرو مع مرت باباكم ولا وحدكم ادا وحدكم رامم خاوة حاول نتا اللي صغير فيهم دير حركة وبهجة عالمائدة معليش كي تكون الماكلة عيانة قول لختك ربي يجازيك الخير هايلة الماكلة وسع خاطرك دير القران في داركم في التلفاز ولا المدياع وعاون يماك باسكو تكون مرظت كي تزوج ابوك راني هنا ادا احتجت اي شيئ احنا والاخوة معاك وربي يكون معاك ويهدي اهلك لطريق صواب كاين ناس معندهمش عائلة احمد ربي واستغفر مولاك

__________________________________________________ __________

>>>> الرد الرابع :

ربي معاك و ربي يهدي العباد إن شاء الله

__________________________________________________ __________

>>>> الرد الخامس :

انك تنظر للسلبيات فقط حاول ولو مرة تشوف للاجابيات
اولها انتم عاااااااااائلة
يوجد المحرومون من العائلة من مشردين وأطفال بلا هوية يتمنون عائلة حتى ابشع من عائلتكم

ثانياا لاحظت الانانية منك تحب الناس الكل تمشي على قياسك

الله غالب امك مريضة ساعفها مش تسبها ويكفيها زوجها الي مصبرش عليها وتزوج باخرى

ثالثا حاول تسكن وحدك او مع خوك اللويز وخفوا شويا على الوضع

باااااااش تلقى الحب ازرع الحب والمودة والرحمة تقرب من اخوتك لابيك حبهم اشريلهم هدايااا رااااااهم اخوتك


سامحني على الكلام القاسي ورب يصلح الاحوال وتتهنوا ويفرج عليكم