عنوان الموضوع : مشكلة الثقة بالنفس و ضعف تقدير الذات
مقدم من طرف منتديات العندليب

سلام عليكم
اخواني ممكن حل لمشكلتي
انا 17 سنة تقريب 18 سنة المهم

انا لم اتلقى اهتمام و تشجيع في الطفولة رغم مواهبي الكثيرة الحمد لله
لا اعتقد ينقصني شئ انا رياضي بدرجة كبيرة و ذكي و استوعب بسرعة ..
المهم

تقديري لذاتي ضعيف بعض الشئ و بالتالي الثقة بالنفس ضعيفة
و دائما اشعر بالنقص انو الاخرون احسن مني

ممكن حلول ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

علاه لازم تلقى تشجيع؟؟

دير حوايج ملاح ذك تلفت الانتباه

ونحي من راسك الحكايات هذوا

رانا كامل عباد وكامل كيفكيف

ماكالاه تشعر بالنقص مالا

__________________________________________________ __________

>>>> الرد الثاني :

الله يعينك
حتى انا عندي هاذ المشكل

__________________________________________________ __________

>>>> الرد الثالث :

السلام عليكم تقدير الذات يا اخي الكريم يبدأ منك انت شخصيا
راح نهدرلك بالدارجة كي تقيم روحك يقيموك الناس واذا انت شفت روحك قادر ومتكامل من دون ان تدري راح تعكس هذا في التصرفات تاعك والافعال وبهذا يشوفو الغير نفس الشي نتمنى تكون فهمتني اخي
لا تستخف بننفسك دائما خالي في بالك انو انت شخص كامل بين معشر بنو ادم فما الكمال سوى للعزيز جل جلاله
وثاني شيئ راك في مرحلة مراهقة اخي الكريم وهذي من بين المشااكل التي اراها وهمية نوعا ما لانها مع المرور الوقت تزول راح تقرا في الجامعة وراح تخالط الناس وكلما الوقت راح يطور ويزيد الانسان يتبدل ويتغيرو طبايعو
ربي يهون عليك ويسهلك اخي

__________________________________________________ __________

>>>> الرد الرابع :

شوف خويا باه ما تكونش ثقتك ناقصة وتطلع المورال لروحك ولا تدخل في دوامة

ادا انت راك تقفرى والحمد لله متفوق
احمد ربي وشكره واعرف بيلي كاين بزاف اللي ما عطاهمش ربي في الراس وخرجوا للحياة المهنية مبكرا بالرغم انها شاقة لشباب في مثل سنهم

ثانيا

ان لم يسعفك الحظ في الدراسة وخرجت وهادا كلشي بالمكتوب بصح راك تخدم يا لوكان تبيع حاجة بسيطة وتدخل قوت يومك وربي ممبعد يفرجها تأكد هنا بلي افضل من اللي تمد يدك

ثالثا

ادا انت خاطيك المشاكل من الخدمة او من القؤراية للدار للصلاة

تاكد بلي راك علامة

ولوكان يشوفوك العباد بهده الصفاة عرف بلي غادي يقولوا بلي انت سيد الناس

اما الأهم لازم ماشي لازم يشجعوك باه تعمل لازم انت يكون عندك طموح أسمى تحاول تحققه

وتاكد انك ستجد عرقلات لكن تلك العقبات هي المحفزات ادا كنت تفكر غاية باه تزيد تكمل طريقك

ولو كان نولووا للمثل ديالنا

يقولك

قيم روحك يقيموك الناس

سلام


__________________________________________________ __________

>>>> الرد الخامس :

شوف يابني باش تلقي اللي يشجعك ويحفزك
لازمك تكون عندك ثقة في نفسك
يعني الثقة هي الأولى