عنوان الموضوع : وش ندير مع أختي؟ تم الحل
مقدم من طرف منتديات العندليب

السلام عليكم
مشكلني رح نحطها بين يديكم وارجوكم ارشدوني .... انا فتاة ابلغ من العمر 26 سنة مخطوبة وعاقدة والحمد لله مشكلتي اني صرت نكره اختي المتزوجة ونكره انها تجي للدار لانها كرهتني بتعليقاتها الجارحة وتحاول تصيد الفرص حتى نتخالف معاها واخر شي البارح كي تخالفت معاها وصواتنا بدات تعلى بدات تقولي انت مالازمش تدي هذاك الراجل هو احسن منك في كل شيء وخايفة لاتبهدلينا معاه وعايلته صراحة هذا الكلام اثر فيا بزاااف وقعدت ليلة كامل وانا نبكي ومقدرتش نرقد ولي كمل عليا انه ولا من عايلتي وقف معايا ولا واحد فيهم دافع عليا وهذا الصباح مقدرتش حتى نحكي مع خطيبي ومبغيتش نحكيله على هاد المشاكل محبيتش يهز نظرة على ااختي ولا دارنا كامل بصح بيني وبين روحي حاسة روحي مخنوقة وملفيتش كيفاش ندير ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نصيحة من عندي غير متحكيلوش على مشاكل داركم و متعمريش راسك بهدرت أختك بلاك من غيرتها قالتلك هكا ونتي علاش حتبهدليهم نقصتك يد ولا رجل هو باش جا خطبك تسما راكي عجبتيه وهدرت اختك كديريهاش في بالك هي درك راهي في دارها مهنية لباس بيها ونتي اقعدي هبلي روحك

__________________________________________________ __________

>>>> الرد الثاني :

يجب ان تكون لديك الثقة في نفسك
لا تسمحي لأي كان أن يقلل من شأنك
وأختك عامليها بشدة ولا تمزحي معها حتى تفيق لروحها وترجع للطريق
وأهم شيء تعلمي اللامبالاة مع أشباه أختك ممن هوايتهم احباط الناس
وخلي يحكو للصباح ما ترديش عليهم ربي يهديها

__________________________________________________ __________

>>>> الرد الثالث :

راهي حكمتها الغيرة برك هاذا ما كان وماتعمريش راسك بهدرتها الفارغة وخطيبك ما تحكيلوش على المشاكل لي في داركم على خاطر راح يهز عليهم نظرة ماشي مليحة


__________________________________________________ __________

>>>> الرد الرابع :

يابنتي واش بيك راك كبيرة و شاربة من عقلك تتغشي من اختك حطي في راسك بلي راي اختك و مهما تقلك اعتبريها تمسخيرة و فوتيها ماتبقالك في الدنيا هذه غير اختك
تظهرلي انت حساسة شوية

__________________________________________________ __________

>>>> الرد الخامس :

سبحان الله اخت تغير من اختها الى هذه الدرجة....المهم انت ما اتعمريش راسك بيها وقتليها بالبارد واضحكي عليها كي تقولك مثل هذا الكلام تاكدي راح تبان لنفسها صغيرة بزاف.