عنوان الموضوع : إنصحوني في وجه الله مشكلتي
مقدم من طرف منتديات العندليب

السلام عليكم

أنا بنت تعرفت على شاب في موقع للزواج ، هو يسكن في ولاية داخلية بعيدة على ولايتي و في نفس الوقت هويعمل في ولاية أخرى لكن جنب ولايته ، المهم قالي أن أمه متوفية و أبوه عاود تزوج ، يعني عايش مع أبوه و إخوته و زوجة أبوه في بيت واحد ، و حسب ماقالي أنه ناوي يسكن وحده ماشي مع عائلته .
بصح أنا راني نخمم كيفاش تجي زوجة أبوه تخطبني ؟ مدخلتليش في راسي ، و كدلك أمر راه محيرني لي هو أبوه مين عاود الزواج ، يعني تعدد الزواج ساهل عندهم ، و راني خايفة من البعد و منتأقلمش ، و مرات نقول منتقلقش هذا زواج ماشي لعب ، يمكن يجيني مكتوب أحسن .



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
تفكيرك سليم قد ما يكون الراجل بعيد قد ما يكون صعيب التعرف على اخلاقو و دينو وعائلتو و بما ان مقر سكنه بعيد عنكم و انت والفتي مكان لي زدتي فيه ما ديريش لي ضري نفسك بيه
واش رايحة تستفادي ؟ تبعدي على داركم و تبدلي كل شي في حياتك تحبيه من اجل راجل من العالم الافتراضي صح فيه ناس صادقين لكن العلم الافتراضي يخبي اشياااااااء
اختي لوجه الله انصحك ان تقطعي الاتصال لان بدايتك في طريقة الزواج لم تكن مستقيمة وانت ادرى ولا تلتفتي لا للتهديدات ولا لاي شيء المهم انت قرري و اختاري لنفسك المصون لي ليق بيك ماشي اي واحد المهم راجل
اتمنى لك زوجا صالحا عاجلا غير اجلا يا رب كيما يحب خاطرك
الله الرزاق مهما كان السن

__________________________________________________ __________

>>>> الرد الثاني :

سلام عليكم

والله يا مواقع الزواج

ننصحك اخطيك

__________________________________________________ __________

>>>> الرد الثالث :

السلام عليكم ورحمةالله

اولا انا ساعطيك جوابا لتساؤلاتك

ادا جات مرةباباه تخطب هدا ما فيها والو مرت باباه في عوض يماه هدا شي طبيعي

اما ابوه عاود زواج نتيقلتي يماه ماتت فاكيد باباه يزوج هدا شرع الله

اما من ناحية انو بعيد والله انت ادرى ادا كنت قادرة تبعدي ولا لا

فكري مليا زواج ليلة تدبيروا عام وصلي صلاة الاستخارة وربي يوفقك


__________________________________________________ __________

>>>> الرد الرابع :

ربي يسر لك امرك ادا كان خير انشالله يكون من نصيبك

__________________________________________________ __________

>>>> الرد الخامس :

المشاركة الأصلية كتبت بواسطة مشكلتي
السلام عليكم

أنا بنت تعرفت على شاب في موقع للزواج ، هو يسكن في ولاية داخلية بعيدة على ولايتي و في نفس الوقت هويعمل في ولاية أخرى لكن جنب ولايته ، المهم قالي أن أمه متوفية و أبوه عاود تزوج ، يعني عايش مع أبوه و إخوته و زوجة أبوه في بيت واحد ، و حسب ماقالي أنه ناوي يسكن وحده ماشي مع عائلته .
بصح أنا راني نخمم كيفاش تجي زوجة أبوه تخطبني ؟ مدخلتليش في راسي ، و كدلك أمر راه محيرني لي هو أبوه مين عاود الزواج ، يعني تعدد الزواج ساهل عندهم ، و راني خايفة من البعد و منتأقلمش ، و مرات نقول منتقلقش هذا زواج ماشي لعب ، يمكن يجيني مكتوب أحسن .


اسمحيلي اختي .. لكن قريت مشكلة 1000 خطرة و مافهمتش واراهي المشكة ..

لا علينا ..

اولا : زوجة ابوه و علاش ماتجيش تخطبك و ين راه المشكل ؟ و ماشي شرط هي اللي تجي تخطبك تقدر تكون جدته . عمته خالته .. هادي في حال اذا ماكانش متفاهم معاها ..

ثانيا : الوالد نتاعو عاود الزواج بعد موت الوالدة و هادا حقو و حتى إذا كان متزوج ب 4 ياخي ماشي حرام و ماشي شرط وليدو يكون كيما هو ..

ثالثا : نتي إن شاء الله بعد الزواج ياخي راح تسكني و حدك ..

و في الأخير : عليك بالإستخارة

و إن شاء الله ربي يهديك إلا مافيه خير لك.