عنوان الموضوع : الزواج العرفي 2 مشكلة
مقدم من طرف منتديات العندليب

السلام عليكم
عندي ابنة عمي في عمرها 16 سنة متزوجة عرفي وغير انا لي في العائلة لي عارفة قلتلها نروح نقولها لداركم قاتلي نبيعك لراجلي وجماعتو وتشوفي واش يديرو فيك
مانيش حابة نطول عليكم حابتكم تنصحوني واش ندير واذا حابين نحكيلكم المزيد ماعنديش مانع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا اله الا الله محمد رسول الله............زواج عرفي و 16 سنة؟؟؟؟؟؟

الله يستر على بنياتنا ان شاءالله انا نقول قوليها لواحد كبير فالعايلة انسان عاقل يتصرف بحكمة بحيث مايدخلكش فالموضوع.(الساكت عن الحق شيطان اخرس)...... الله يهدي ماخلق..........والله اعلم

__________________________________________________ __________

>>>> الرد الثاني :

واحد ميعرف ... يعني حتى والديها ؟؟
نعرف في الزّنى برك الفتاة هي تدير كولشيء بلا ميعرف واحد
مي حاجة تسمّى زواج بهته الكتمة والسّرية مسمعناش بيه
رب يستر برك واش راه يصرا

بقالي شوية عقل برك وانروح فيها



خبري باباك وهو ايروح الوالديها ومتخافيش على تهديها
غدوة يكتشفوا الأمر تقولهم فلانة تعرف ولاّ فلانة كانت شاهدة
راح تتّهمك وتحصلي أنتي مع والديها
ننصحك متخافيش قولي الباباك ولاّ ماماك هي تروح تخبّرهم
نقضي نفسك قبل متنقضي صاحبتك

+ قالتك انبيعك الراجلي وجماعتوا !! يعني هادي متزوجة بجماعة ماشي غير بواحد
لاحول ولا قوّة إلا بالله


__________________________________________________ __________

>>>> الرد الثالث :

لا حول ولا قوة الا بالله لبنات تحلطت عليهم مسلسلات مصرية على تركية على هندية
يا بنتي هذا الراجل يتمسخر بيها واش من زواج عرفي راهي زنا والعياذ بالله وانتي راكي شاهدة ؤساكتة خبري يماك قبل فوات الأوان

أرجوك خبري بالاك يقدرو ينقذو الموضوع قبل ما يكبر وراجلها وجماعتو هذي جابتها من كاش مسلسل ماتخافيش منهم يخوفو فيكم برك لقاوكم صغار

__________________________________________________ __________

>>>> الرد الرابع :

المشاركة الأصلية كتبت بواسطة داعي الله ياسين
واحد ميعرف ... يعني حتى والديها ؟؟
نعرف في الزّنى برك الفتاة هي تدير كولشيء بلا ميعرف واحد
مي حاجة تسمّى زواج بهته الكتمة والسّرية مسمعناش بيه
رب يستر برك واش راه يصرا

بقالي شوية عقل برك وانروح فيها



خبري باباك وهو ايروح الوالديها ومتخافيش على تهديها
غدوة يكتشفوا الأمر تقولهم فلانة تعرف ولاّ فلانة كانت شاهدة
راح تتّهمك وتحصلي أنتي مع والديها
ننصحك متخافيش قولي الباباك ولاّ ماماك هي تروح تخبّرهم
نقضي نفسك قبل متنقضي صاحبتك

+ قالتك انبيعك الراجلي وجماعتوا !! يعني هادي متزوجة بجماعة ماشي غير بواحد
لاحول ولا قوّة إلا بالله

انا متوافقة تماما مع راي اخى داعي الله
بصراحة حاولت ان اضع رداا لكن حكمتنى الدوخة مؤقتا ولم اجد ما يقال
شخصيا لا اعتبره زواج لا اعرف ما هو الزواج العرفي
الولي اهم ركن من اركان الزواج والزواج يكون فى النور وليس فى الظلام ولا يحاط بهته السرية
وهذى قلبها صحيح وتقولك زوجي يا ربي انا منعرفهاش وقلبي ضرنى عليها وهي وجها صحيح
استغفر الله
الطفلة قاصر والحل انك تبلغي والديها مع كثير من الحذر يعني اجعلي الامر سريا مع جمع كبار العائلة من الرجال وخطيك من النساء كي لا يفسدن الامر اجعلي الامر سريا
وخليهم يتصرفو حتى يحكمو هذا الكائن دون ان يعلم
واكثر جملة لفتت انتباهي جملة جماعتو يا ربي سترك شكون جماعتو
الطفلة هذى راهي فى مشكل كبير بزاااف ويليق واحد عندو رزانة وحكمة باش يحلها
وحطت اهلها فى موقف لا يحسدون عليه
لا اجد ما اقول
الله المستعان وربي يسترها ويستر بناتنا ويهدينا يا رب

__________________________________________________ __________

>>>> الرد الخامس :

مرات نقرا مواضيع هنا نكره هذا القسم بتاتا

حسبينا بلاك بلا عقول

واش من زواج عرفي بلا ولي أمر

قولي صاحبتك تزني مع واحد

كما اقولو ( اخرج ربي عريان يكسيك)

صحبتها مزوجة زواج واحد ميعرفو غير انت

يرحم باباك روحي بعيد روحي اكذبي بعيد

زواج نناك هذا ماش زواج عرفي