عنوان الموضوع : هل من حل لمشكلتي المصيرية مشكلة
مقدم من طرف منتديات العندليب

السلام عليكم ارجو المساعدة بنصائحكم
انا متزوجة قانونيا و لكن لم نقم بالعقد الشرعي ببعد، مشكلتي ان زوجي تبدل عليا بزاف ولا ما يخلينيش نخرج و انا مازالني طالبة بقالي هذا العام و نكمل و العرس مزال حتى العام الجاي قالي حبسي الدراسة و دا القرار بلا ما يشاورني و هذي ماشي الخطرة الاولى لب بدي قرار كيما هكا و فوق هذا الشيء راهو يهدر فالتلقون مع بنات و سييتو خطرة ***** و راح في الخط معايا و كان حاب يتلاقا بيا و كي نقولو معامن راك تهدر يقولي مع صاحبي و يزعف و يولي ميرفدش عليا شغل انا الغالطة في حقوا مع العلم اني حكمتوا خطرة في الفايسبوك يهدر مع بنات وحدوخرين و يتقعد بيهم و اليوم بدات القراية و مزال مرحتش للجامعة مبصح راني ناوية نطلب الطلاق خاطرش وصلت لباب مسدود و هوا ما يحوسش يفهم يحب يدير رايوا نتمنى تنصحوني راني ضايعة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تعرفي بلي راه يخون فيك و مازالك معاه؟؟؟ خليه و ربي يعوضك ماخير منو.

__________________________________________________ __________

>>>> الرد الثاني :

لابد من مشاورة وإقناع
هذا هو الزواج الذي ينشأ بعد علاقة وهذه سلبياته تصبح المرأة بلا قيمة
ربي يهديك للصواب

__________________________________________________ __________

>>>> الرد الثالث :

لي خدع مرة يخدع 2 و3 و الا من دوك راهو هاكا كي تتزوجو وش يدير
نتي يغلق عليك باب الدار متخرجيش ومتخدميش و هو يدير رايو فزنقة

أنا كون جيت مكانك نطلب الطلاق


__________________________________________________ __________

>>>> الرد الرابع :

أستخيرك الله وهو سيهديك الى القرار الصائب

__________________________________________________ __________

>>>> الرد الخامس :

اسمعي تفاهمي معاه بشويا
انت المخطئة في انك تهدري معاه في التيلفون وتقولي راه غالط هنا انت غالطة
الفايسبوك قلتي يقاعد يعني راه يمزح ويتمسخر
انت لازم تضعي النقاط على الحروف باه كمل واحد يعرف حدود نتاعوا
ابني الزواج نتاعك على الصح يصح من الاول
مكلاه انت تبقاي تخبيء وهو كذلك ومن بعد تقلوا ياندمتنا
المهم كيفاه تفامهتوا من النهار الاول
لكان تكملي الدراسة تكمليها ولكان تفاهمتوا تحبسي تحبسي
المهم اعلمي انا على الزوجة ان تطيع زوجها ما لم يامرها بمعصية
ربي يكون معك
بالتوفيق في حياتك الزوجية