عنوان الموضوع : هكذا تصرفت واش رايكم
مقدم من طرف منتديات العندليب

اليوم حبيت نقلككم كيفاه تصرفت ودرك راني مرتاحة كنت دايما نشكي ونبكي وتغيضني روحي لكن الان راني الحمد لله وانتم واش رايكم
كنت دائما اعاني من اهل زوجي امه واخته الرجال الله يبارك
كانت اخته دايما تفتشلي صاكي والبو رتابل تاعي وتتصنت عليا كي نعود نهدر كنت نشك لكن بعد تاكدت درت امارة في الساك ودرت appel en absence المهم تاكدت حتى مرة راحتلي 200 الف من الساك وزوجي اهله كانت ماعندهمش دار هو اللي بنالهم وطل يمدلهم الدراهم طووووووووووول وانا نقله ماعليش
واخته النها راحتلي 200 الف ناضت ترميلي في الهدرة خويا الاخر شرالي وخويا الاخر شرالي وزوجتي اخي الاخرى شراتلي وكي سقسيت زوجة اخيها قالتلي ماشريتش ماعندي علاه نكذب وكانه زوجي يمد في الهوا مشي الدراهم وهو20سنة وهو يمد بالملاين وهوما يرمو في الهدرة
كي هدرت هكا وادت 200 الف قلت لامها قولي لبنتك ماعاتش تفتشلي ساكي والبورتابل رني شكيت ودرت امارة وتاكدت وهوما علابالهم ب200الف اللي راحت وقلتلها ترمي في الهدرة ماعاتش تهدر معايا اصلا وماعاتش دور بيا
رحت ورجعت بشوية بشوية حتى رجعت تهدر وماعاتش ترمي الهدرة لكن مرة خليت دراهم في البورتابل مالقيتهمش وانا متاكدة لانها تدي لامها وابوها من البورتابل وطول يعاركوها سكت مرة اخرى كانت عندي 13000 في البورتابل بتت عندهم والصباح كي روحت في الطرق جيت نعيط لقيت6000 عيطت لامها وقلتلها مشو بيا الدراهم بيا صنعتها اللي هي السرقة
قالتلي ماعلابليش درك نقلها وكل واحد في حاله قعدت مدة وبعد عيطت باه تهدربرك ماعيطتش من قبل باه تقول ماديتش قعدت مدة نست الحالة وعيطت
قلت لامها بتك راهي ماعاتش دور بيا وماعاتش تهدر معايا اصلا
قالتلي فوتي عرسها وكي تروح دار راجلها ربي يسهل
ولاتنها متاكدة انها تسرق فيا ماحبتش تقول مادتش ولا تدافع عليها قالتلي مانيش راح نرقد في قبرها
قلتلها درك ولا نهار اخر ماعاتش تهدر معايا لاني انذرتها من قبل وعفست فيا
وهوما خايفين نحرش راجلي ومايعطيهمش الدراهم بصح انا نخاف ربي ومانديرهاش
هذا كامل وراجل والله ماقلتله قلت بينلتهم
ومرة قاعدة انا وراجلي وشيخي وعجوزتي قالي راجلي قعدتي عند باباك ماسرفتي والو كنا نهدرو على المصروف لانه خلانا بين دارهم ودارنا وراح للخدمة قعد شهرين
قالتلو عجوزتي راهي قعدت 3اشهر وماصرفت حتى دورو وهو كي جا رايح قلتله راني راح نقعد في داركم مدة اقضيلي قالي درك نمدلهم هوما يقضو علابالهم واش ناقص انا ماعلابليش مد لامه 300الف وابوه 800الف وخوه مليون
في بالهم انا ماعلاباليش
قالتلي 3اشهر ماصرفتي والو وزاد حتي ترمي فلان شرالنا فلان شرالنا يعني راجلي يمد في الهوا مشي في الدراهم
تقفلت نهار حكمت راجلي قلت ليه داركم يقيلوني حبيت تمد ربي يسهل انا واحد ماعاد يدور بيا وواحد ماعاد يرميلي الهدرة وكلواحد يحكم دارو ياخي درتيلهم دار خلاص
والله يجوني نجري ونطيح نهار كامل حتى اخته كي تجي تتمنكر وماتحبش تخد م نولي نخدم عليها وزاد رميان الهدرة من فوق ويرح
و يذم مالا قلتله كل واحد وحيات
ه حتى انهم حابين ي.
خلو دارهم ويجو يقعدو عندي باه يعيشو حياتي انا لانها قالتله امه انت ولادك متعتيهم حوستي بيهم ماخايتي وين ادتيهم عيشتيهم صح
وانا ولدي عليه العين مريض ووين نديه يقولو لاباس عليه حتى السكانير قال ماكاين والو الرقي قالي عنده عين كبيرة
وهوما مايشبعوش دراه ادو ادو مامرضيهم والو وليت خليت ليهم دراهم راجلي وجبدت روحي درك يعيطو يعيطو مانهزش التليفون
واش رايكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السّلام عليكم و رحمة الله و بركاته
لا تقطعي صلتك بهم مهما كانت الظّروف ,, فالله تعالى يمتحن في صبرك
لو كانت هذه المشاكل حدثت مع صديقة لنصحتك بالإبتعاد و لكنّها مشكلة عائلة
إذا أساء لك احدهم فقابلي إساءته بالإحسان و احتسبي ذلك عند الله
ستُحسّين براحة القلب و الضّمير معًا
و كذلك هذا من أخلاق المسلم ,,حتّى لو اساءو إليك فكوني مميّزة باخلاقك العالية
تأكّدي أننا سنرحل جميعا من هذه الدّنيا و سنجتمع يوم القيامة عند الله
و كلّ من لديه حقّ سيأخُذُه
لذلك أنظري إلى هذه المشكلة بنظرة إحتقار و كوني طيّبة و سيجازيك الله عن ذلك
وفقك الله


__________________________________________________ __________

>>>> الرد الثاني :

يا أختي الواحد من واش راه يشوف ومن واش راه عايش يقول عندك الحق

بصح مبدئيا عجوزتك ماتقطعيهاش حنونه

عيطيلها كي توالم وسقسي عليها

لوستك ماتكثريش معاها الهدرة اجبدي روحك قدر المستطاع

وكي توالم وتتلاقاو تعاملي معها عادي ولو بتصنع قليل مشي الحالة وخلاص


برك باش مايدوروش عليك ويرجع البلا فوقك

علابالك كي تنسحبي ببطء واحد ما يحسلك حتى يلقاوك مكاش ويلقاو روحهم متقبلين عدم وجودك في حياتهم

لكن كي تنسحبي مرة وحدة تلفتين الانظار جميعا نحوك ويلاحظ الجميع تغيرك فجأة ويديرولك مشاكل

يشدوها غير تبدلك ما تبدلك وممكن يقولو لزوجك وتعشي في مشاكل معاه




لذلك اقول لك لا تقطعي صلتك بحماتك ايا كان السبب

ولوستك انسحبي من حياتها ببطئ

وتصنعي معها متى تطلب الامر واقتضت الحاجة

لراحتك أختي

وابتغاء الاجر قبل كل شيء



وربي يحضر الشفا لوليدك ان شاء الله

__________________________________________________ __________

>>>> الرد الثالث :

السلام يا اختي صح كثره المشاكل تخلي الإنسان يجبد روحو قد ما يقدر انا منتفلسفش عليك خاطر تعرفي صله الرحم بصح كتولي على صحة بنادم خير له يقطعهم مؤقتا ونهار يرجع يرجع بلا دصارة كل واحد في بلاصتو والباب لجيك منو الريح سدو واستريح انا مرنيش ندعو لفك صله الرحم بصح مؤقتا هذا هو الحل

__________________________________________________ __________

>>>> الرد الرابع :

اختي ننصحك حافظي على عائلتك ردي عادي كلي ما صرا والو هكذا يحسو بالذنب ويعرفو قيمتك مليح وزادة الراجل يبغيك تهتمي بعائلته راني عارفة بلي صعيبة مي حاولي تتغلبي على الشيطان وكوني احسن منهم ربي يهنيك حبيبتي

__________________________________________________ __________

>>>> الرد الخامس :

mafihomch elkheir bent 3ami radjelha dkhal lelhabs thamaw fiha w darbouh w rmawha f ezon9a gheir hna rafdina
w radjelha houwa eli bnalhom w 3ayechhom w ki tah f elhabs wahed ma khzer fi mertou
kayen eli tjouz fih esada9a w kayen eli yakol w yenkor
ba3dihom kheirlek