عنوان الموضوع : نصيحة او كلمة طيبة. تم الاجابة
مقدم من طرف منتديات العندليب

السلام عليكم.
ارجو منكم نصيحة تريحني,انا مخطوبة مند سنة . ومشكلتي هي المشاكل التي لاتنتهي مع خطيبي دايما يتشاجر معايا بسبب وبدون سبب وكي نقولو واش درتلك يقولي ماعليش ننساو اللي فات وسمحيلي فوت بزاف بصح عييت والله قلبي تعمر واللي قاهرني اكثر الاهانة والتعالي علي ومعاملة الاستصغار ويحسسني اني لاشئ ويقولي كلام والله لايحتمل و اخر كلام قالهولي مانديرش عقد مدني ندير عقد شرعي باه ادا خرجتي وماقلتيلش نبطل بسهولة مع اني درك خاطبني برك ونشاورو قبل مانخرج وهادي هي الي فيضت الكاس وحسيت نيتو ماش صافية.وكون نقولو كلمة يقولي واش تقصدي.حابة نبطل والله عييييييت ربي اللي عالم بحالي.قولولي المشكل فيه او فيا انا او في كثرة الكلام فالهاتف كل دقيقة يعيطلي ويهدر بساعة كرهت.ارجو نصيحة منكم.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قبولك لإهاناته من البداية هو من اوصلكي الى هذا المستوى اليوم ....

مسألة التعالي .....لما يتعالى عليكي .................؟؟؟؟ وضع غريب الصراحة ..........

عموما إذا لم يوجد بينكما الإحترام ....إرمي عليكي .....................

__________________________________________________ __________

>>>> الرد الثاني :

السلام عليكم
و الله انت في موقف لا تحسدي عليه ربي يهديه
ما دامك ما عقدتيش اصبري حتى تتاكدي مليح منه
هذا الي راه يعاملك هاك قبل الزواج و مورا لزواج كيفاش
المرة الجاية اعملي له حد يعني ما تخليهش يهينك و استخيري الله و ادعي كثيرا
ربي ينور طريقك و تختاري صح ان شاء الله

__________________________________________________ __________

>>>> الرد الثالث :

السلام عليكم و رحمة الله

هذا نتيجة الكلام في الهاتف.. الكلام الذي لا أدري ما الغاية منه.. هذا الداء الذي لا يكاد يترك بيتا الّا و هدمه..
يا أختي انت أشرت الى أنّه لم يتم أي من العقدين لا الشرعي و لا "المدني" فأخبريني بربّك بأيّ حق يحادثك؟ بل و يهينك و يتعالى عليك؟
أنصحك بالتةقّف حالا عن هذا الفعل. أخبريه أنّك تبت و لن تتحدّثي معه الأ بعد أن يصير زوجا لك، توكّلي على الله و لن يضيع الله عبدا لجأ اليه أبدا.
توبي الى الله يا أختي و لا تتّبعي خطوات الشيطان... و الله اننّا نسمع في هذا الزمن الكثير من قصص الزواج الفاشلة و السبب الرئيسي في ذلك هو عصيان الله تعالى فيما أمر و زجر.
أكثري من الاستغفار و الدعاء... كوني قويّة الشخصيّة... و اعلمي أنّه لا طاعة لمخلوق في معصية الخالق.
بارك الله فيك و سترك في الدنيا و الآخرة

__________________________________________________ __________

>>>> الرد الرابع :

الاحترام اولا و قبل كل شيء

و لا راجل يستاهل تذلي روحك ليه

خممي مليح

__________________________________________________ __________

>>>> الرد الخامس :

مع حترام هذا حاب يذلك ويلعب بيك اخطيك منوا وصدقني راح تعني معاه هذا ليخمم في تطلاقك بسهولة

موش راجل كون جاء حاب يعمل به يستحفظ عليك