عنوان الموضوع : راني غير نبكي تم حل المشكلة
مقدم من طرف منتديات العندليب

انا راني كرهت راجلي ديما مايهدرش معايا طول وحدي بعيدة على اهلي هو يحبني وانسان طيب لكنه يهدر معايا نهارين و10ايام او15 يوم ساعات توصل شهر مايهدرش معايا مع انني موفرة ليه كلش
مانحبش نهدر لدارنا لانهم ماهمش راح يعجبهم الحال وراح يديرو معاه تصرف هو مايستاهلوش مع انه دائما عاكسني حاقرني ماديرلي حتى قيمة عنده لكن قدام الناس مقيمني بالاخص قدام اهله قلت بالاك عين قلتله روح رقي ماحبش
لكن في اغلب الاحيا مايهدرش معايا راني كرهت وديما نبكي ومانحبش نقول لاهلي راح نتفلق حتى الخرجة ماعندي ين نروح وواحد مايجيني باه نهدرمعاه راني غير مع ولادي
هذه 8 سنين وانا عايشة هكا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يفرج عليك ياختي بصح انا والله مافهت مليح المشكلة يعني مايهدرش معاك كامل والوا؟؟؟؟يعني متنايفين متخاصمين؟؟؟ ولا تهدروا هدره قليله صباح الخير ومن هذا القبيل... لانوا 8سنين بزاف راكي تحملتي وتاني هوا كان هكا من نهار تزوجتوا ولا تبدل عليك ؟؟؟؟والله كنت نتمني نساعدك مي نقدر غير ندعيللك بالفرج ونشالله ربي يهدي زوجك ويوليللك ويعاملك احسن معاملة يا رب*

__________________________________________________ __________

>>>> الرد الثاني :

وعليكم السلام
اختي اكيد هناك سبب وراء هذا التصرف فيجب ان تعرفيه لكن بدون اثارة المشاكل
لو كانت هذه عادة لعذرتيه لكن ان طرأ تحول مفاجأ وانت ولاحظتيه مأخرا هناك سبب اكيد وراء هذا ..ثم اختي اصبري
ولا تهدمي بيتك على الاقل من اجل اولادك ما ذنبهم تتشتت الاسرة ويدفعون هم الثمن تحملي واكثري من الدعاء و
الاذكار ان كنت انت ذاكرة حافظة للقرآن يمكنك ان ترقي زوجك في ماء او شئ يشربه ..فرج الله كربك ..

__________________________________________________ __________

>>>> الرد الثالث :

وراح يديرو معاه تصرف هو مايستاهلوش مع انه دائما عاكسني حاقرني ماديرلي حتى قيمة عنده
/////////////////
تناقض صارخ
ممكن تفسرينا المشكل

__________________________________________________ __________

>>>> الرد الرابع :

ربي يهديه وربي يفر عليك ان شاء الله

__________________________________________________ __________

>>>> الرد الخامس :

لابد سيدتي هناك رجال لايتكلمون كثيرا في المنزل او خارجه حاولي ملاطفته وتقربي له اكثر فاكثر واتمنى ان يهديه الله
لاننا عندما ندخل بيوتنا نفرغ كل ماجرى لنا للزوجات وهذا شيئ جميل وشكرا تقبل الله صلاتك وادعي له بالهداية