عنوان الموضوع : مشكلتي مشكلتي
مقدم من طرف منتديات العندليب

السلام عليكم أولا اود ان اشكر كل من قام بإنشاء هذا القسم وثانيا عندي مشكلة عقدتني:

أنا فتاة عمري 15 سنة عندي ختي عمرها 13 سنة دايمن تقلي عبارات شوي غريبة تقلي : دوك تشوفي واش نديرلك في الليل و مرة تقلي : هيا نقعدو نايضين على 2 تاع الليل ودوك تشوفي لجنون كيما انا وتقلي كي نرقد نسمع هدرة ونشوف عبد توالك هيا مترقديش دوك تشوفيه. وليت نخاف نقعد معاها وحدي وعادت تدرق على ماما كي تقلها نوضي تصلي و كي تسمع الاآذان تسطر على روحها في الشومبرة ودير لغنا باه ماتسمعوش وتقلي دوك نجيبلك الموس وندبحك . واش ندير معاها عدت نخاف نقلها لالا و عادت تحب الظلام بزاف . ربي يعيشكم اعطيوني الحل ، وللعلم ماقلت والو لماما غير لبنت خالتي وهي قاتلي بالاك بعيد الشر مسكونة . نتمنى نلقى الحل عندكم وتقولولي واش بيها ونتمنى من المشرفين عدم حذف الموضوع.



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخبري والديكي و عليكما بالرقية ممكن كيما قالت لكي بنت خالتك

__________________________________________________ __________

>>>> الرد الثاني :

يا حنونة وعلاه تقولي لبنت خالتك وما تقوليش لماماك ؟
أيّهما أقرب أمّك أم ابنة خالتك ؟
إذا كانت قصّتك حقيقيّة أطلبي من ماماك أن تعرضها على طبيبة نفسانيّة
أو رقية شرعيّة .
ومتخبي والووووووووووووو على ماماك مفهوم بنتي سلااااااااام

__________________________________________________ __________

>>>> الرد الثالث :

الرقية اختي الرقية بالقران و عليك اخبار والديكي و لكن لا تتصرفو معها بعنف فربما ينعكس الامر الى ما لا يحمد عقباه
التروي اختي حتى و اذا محبيتوش جيبولها راقي مثلا ارقيو الماء الذي تشربه و انت شوفي كيفاش تجبديلهل لسانها و سقسيها واش راها تشوف و في الحديث معاها بالمزح قوليلها خاصاتك رقية و شوفي ردة الفعل نتاعها او ديري قران و شوفي واش دير
ربي يصلح الحال اختي

__________________________________________________ __________

>>>> الرد الرابع :

السلام عليكم
أهلا و سهلا
ساهلة ماهلة
سِؤالي : ماهو دور الوالدين ؟؟؟؟؟؟؟؟
أليس حماية أولادهم ........
لا تترددي في إخبار الوالدين ... والظاهر من خلال حديثك يلزمها رقية شرعية
أمّا أنت فلا تخافي أخيّتي فالشيطان يسعى لتخويفنا و ترهيبنا
كل شيئ سيتحسن بإذن الله ثمّ بإخبارك والديك
لاتتردّدي
سلام


__________________________________________________ __________

>>>> الرد الخامس :

عليكم بالرقية الشرعية