عنوان الموضوع : خيانة من نوع آخر
مقدم من طرف منتديات العندليب

السلام عليكم
ما لقيت مين نبدا حكايتي ؟؟؟ عروسة جديدة سمعت راجلي يحكي في الهاتف مع واحدة يقولها و الله ما نخليك و راح نبقى وراك يا لوكان من بعيد ماشي قدامك .و و الله ما نخليك تتهـناي ؟؟؟؟؟؟؟؟؟؟؟؟؟؟
مخي حبس عريس و يخون
صارحتو طلعت هاذي فتاة كان يحبها قبل مدة و تفارقو لعدة اسباب و هي رفضت الرجوع ليه يعد عدة محاولا منهو

قلتو علاه تخدع فيا علاه تلعب بيا و انا واش ذنبي

اقسم بالله انو ماهوش مازال يحبها انما حاب يبـرد قلبـو ؟؟؟؟؟؟

يا خاوتو انا حاسة رغبتو بالانتقام صورة اخرى لحبو ليها ؟؟؟؟ يعني مازال يحبها و الا علاه ينتقم اذا فعلا انتقام ؟؟؟
يا خاوتي لي نسى واحدة علاه يبقى يتبع فيها بالخير و الا بالشر ؟؟؟

هو يقسم انو صار يكرهها لكن اللي عريس و يخمم في الاخرى حتى كره نظن نوع من الحب لا ؟؟؟؟؟؟؟؟

قبل عرسي بايام تذكرت حكاية انو تحدث في الهاتف و سمعت يقول نشوفك مرة برك و الله ما نزيد نطلبها مرة اخرى و شكيتو مع راجل مي درك فهمت

ماشي علا خاطر راجلي مي علابالي اللي يكره واحد ما يخممش فيه لا بالخير لا بالشر و الا لا ؟؟؟؟؟؟؟؟؟؟؟

عريس و يحكي مع اخرى و عوض راح فرحان قاعد يخمم كيفاه يخلص حقو في الاولى على قوله

يا ربي كاين واحدة مرت بهكذا ؟؟؟

انا راني نشوف في روحي في فيلم عندي ؟؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و عليكم السلام
هي موقف صعيب صح لكن حاولي احكي معاه و قنعيه لي فات وقت التمسخير و راه بنى اسرة و احكي معاه بالعقل
و ربي يوفقك و يكون معاك يا رب

__________________________________________________ __________

>>>> الرد الثاني :

لا حول و لا قوة إلا بالله.. حاولي تحكي معاه بجدية و أقنعيه بأنك تزوجته لأنك تثقين فيه.

__________________________________________________ __________

>>>> الرد الثالث :

لاحول ولا قوة الا بالله

يا وخيتي ماتحيري ماوالو

بالاك راه صح مش ناسيها بالصح هذيك خدمتك انتي، حاولي تنسيه فيها و ديما تفكري انك نتيا حلالو و حاجة اخرى راه يغضب في ربي بيها

انتي توكلي على ربي سبحانو و مايكون غير الخير ان شالله

__________________________________________________ __________

>>>> الرد الرابع :

اختى ربي يهز معاك ماتياسيش وماكش وحد لصرتلها كيما هك كل واحد يعانى من جاهة انتى اتمسكي بحقك وبزوجك وبدارك ماتخليش الغش يعمي عينيك ينساها وينسي خيرها وشرها ولا يصح الا الصحيح حاولى تتقربو تفهميه تحتويه متعانديش وتعاركى بالسياسية وبربي انتى لتبقى المراة الوحيدة فى قلبو ادعى واسعى وبربي مايكون غير الخير

__________________________________________________ __________

>>>> الرد الخامس :

لاحول ولا قوة الا بالله ربي معاك والله في بلاصتك نهبل المهم اهدري معاه وقوليلو ربي ماكتبش بيناتكم علاش تخربلها في حياتها حرام عليك وربي راح يخلص فيه عاجلا ام اجلا الاكيد انو مانساهاش ومازالت في خاطرو لانو من النوع الي يطلبها لازم تجاب ربي يهديهلك و يسخرولك راكي في اول امتحان زواج صعييييييييييييييييييييب