عنوان الموضوع : مشكلتي مع زوجي تم الاجابة
مقدم من طرف منتديات العندليب

أنا متزوجة هادو 6 أشهر
قبل الزواج، كي جات الأم ديالو تخطب قالتلي أنه ما يصليش و ما يحبش الحجاب
قررت الرفض لكن الكل أصر علي بالحديث معه و محاولة فهمه و لما لا نكون سبب لهدايته
فهمت من كلامه أنه شخص جيد، خاصو برك يولي للصلاة
فيما يخص الحجاب، قال أنه ليس معه و لا ضده، المهم المراه تستر روحها
فهمت أني كنت غالطة في قراري و قبلت الزواج به


و المشكل اليوم...
أكشتفت أنه رجل لا يغار على زوجته
كي نروحو لدارهم يقول لي ماكيش رايحة تقعدي بالحجاب داخل الدار !!!! رغم أن أخوانه الثلاثة داخل البيت
و كي نتلاقاو معاهم يسلمو عليّا و أنا مضطرة أن أقبل بذلك لأن زوجي لا يهتم
و خياتو نحشم نمشي معاهم فالطريق، سراويل ضيقة، قصات شعر غريبة، ماكياج، فساتين قصيرة... و كل الشباب يتبعوهم و يعاكسوهم


راني حايرة واش نعمل
كرهت من نظرة خاوتو و أنا بلا حجاب
و الشيء لي محيرني إذا روقنا ربي بطفلة متأكدة رايحيين يربوها على طريقتهم
و أنا طالما تمنيت تكون لي بنت أعلمها أسس الدين و أحسن الأخلاق
واش لازم ندير ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله فكرتيني بواحدة كيما هك لكن هي فسخت الخطبة بعد اسبووع فقط من الخطووبة لانه يحب المراة لاتيتي وهي متدينة ياسر ماشاء الله عليها

المهم حاولي مع راجلك ووجهيه الى الطريق الصحيح وخليه يسمع محاضرات الدين ويروح للجامع ويسمع للائمة

والدين والاخلاق هو معيار اختيار الزوج الصالح هذا مكتوبك نقلك ربي يدير حاجة في طرف وتكونش مكانش في الطرف الاخر لكي يكملان بعضهما البعض علاقة تكامل ربي بعثك ليه باش تفقهيه في دينه
عنذ اجر كبير عند ربي اذا رجعتيه للطريق المستقيم وادعي في جوف الليل بالهداية لزوجك

كيما يقولو راجلك على وش ولفتيها والمراة هي اللي تمشي الراجل وتديه حاولي معاه على قدر المستطاع الحل بيدك

__________________________________________________ __________

>>>> الرد الثاني :

اختى الكريمة راح الحال باه نقولولك راكى غالطة كى رطبيتى بيه من الاساس الان امامنا امر واقع والاصعب الطفلة لى جاية فى الطريق وعلاه قلتى بلى متاكدة انهم راح يربيوها على طريقتهم وعلاه شكون امها حسب مافهمت انو عندك بيت مستقل يعنى هامش كبير من الحرية اختى نصيحة التزمى بدينك وماتخليهمش على الاقل ياثروا عليك ويغيروك هذا اولا تانى شئ من حقك تلبسى خمار فى بيتهم طيشى فوقك حتى ولو هك برك والبسي الطويل ونورمالمون هاذى الشئ ميقلقوش حاولى معاه بكل الطرق بصح بالين والحسنى واصبري وادعي لانها مشو راه يتبدل بين ليلة وضحاها وحاولى تانة تنقصى من زيارتك لبيت اهلو ومتخرجيش مع خواتاتو غير لكونتى مضطرة ربي يهدى سرك ويهديهولك

__________________________________________________ __________

>>>> الرد الثالث :

الحجاب لباس تع خرجة لا لا ؟؟
وين راه المشكل ؟؟

__________________________________________________ __________

>>>> الرد الرابع :

المشاركة الأصلية كتبت بواسطة rihanna
الحجاب لباس تع خرجة لا لا ؟؟
وين راه المشكل ؟؟

المشكل في اخوانه 3

الحجاب ستر للمراة خارج و داخل الدار

__________________________________________________ __________

>>>> الرد الخامس :

اذكار الصباح والمساء
ثم الدعاء ثم كثرة الاستغفار
سيلين لك زوجك كما يلين الحديد للحداد