عنوان الموضوع : اخت زوجي مشكلة
مقدم من طرف منتديات العندليب

السلام عليكم
عندي مشكلة انه اخت زوجي في كل مرة تتخطب وكي تكون مخطوبة تهدر مع رجال اخرين في الهاتف نقصد الخيانة
وبعد تبطل وفي كل مرة يقولو راه هو اللي بطل منهم زوج بطلو لانهم فاقو بيها تهدر في الهاتف واحد فاميلتي والثاني جارهم سمعتها تهدر معاه بعد مابطلت قالتله راه بابا هدر مع باباك وقالو اذا مش عاجباتو يقول بصح مايخمجهاش
والثالث لحد الان ماحبوش يقولو علاه بطل والرابع اللي خاطبها درك وعقد عليها وهي درك راهي كي عادتها تهدر مع صحابها
المشكل انه زوجي منصبه حساس وهي اللي خاطبها شاوي مقفول كون يلقاها تهدر مع كاش واحد اكيد انه راح يقتلها
هدرت مع امها وقلتلها لازم تبطل صنعتها هاذي قالتلي بلي قبل كانت تهدر لانها مشي حابتهم بصح هذا لا قلتلها مادام تسمت لراجل خلاص ممنوع انها تحكي مع واحد اخر
والمرة كي رحتلهم قالتلي سلفتي بلي راهي تهدر وقالتلي مالقيت ماندير لانه لازم نغيرو في المنكر
واش رايكم نشوف كيفاه نوصلها لراجلي باش نهار اخر اذا حكمها راجلها مايدخلش روحو لانه اذا دخل روحو راح راح نولو في حوايج اخرى وراجلي منصبه حساس اي حاجة قادرة تاثرلو على خدمتو وانا مانيش متقبلة باه تخرب داري على جالها وراجلي كلش كلش ولا خدمته لانه كون يتعرض لاي مشكلة قادرة خبزته طير
وااااش ندير باه تتزير قبل ماتتزوج زيطيح الفاس في الراس


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

للاسف امثالها كرهونا في الزواج و خلت الرجال ماشي واثقين حتى في واحدة
يا انا مرا و مخي حبس واحدة عاشقة في واحد متزوج ...؟؟؟ واحدة مخطوبة وعايشة غراميات و افلام تركية.... و واحدة متزوجة و ما زالت ما نساتش روميو .......... و الله ربي يسترنا

هادي المفروض امها لي توقفها عند حدها ماشي تزيد تلقالها عذر و قال الخطيب الاول و 2 3 ماشي حابتهم امالا شكون ضربها على يدها و قالها تخطبي ؟؟؟؟؟ لا و الرابع ؟؟؟
سبحان الله هذا اذا ما فاقتش راح يبتليها ربي سبحانه بشبيـه ليها و راح تتذكر لي داراتو الكل

اما انتي اختي و الله بصراحة حرت في بلاصتك اذا عندك وسائل اخرى يفضل انك مـاتدخليش مباشرة اما اذا الموضوع راح ياخذ منحى اخر و راح يطور الى ما لا يحمد عقباه تدخلي او لمحي لزوجك خليه هو يراقبها و يكتشف وحدو حرام الراجل لي خاطبها

ربي يهديها هذا ما نقول
ربي يوفقك للصواب و يحفظ زوجك ودارك و ان شاء الله ما يصيبو حتى شر



__________________________________________________ __________

>>>> الرد الثاني :

اخااااه البنات هبلو هادي كل من التربية اللي ماكانش امها تشوف فيها قدامها مرتبطة وتخون في راجلها وتقول حابتو واش رايحة ندير
يا اختي كون حكيتي مع راجلك يوقف اختو عند حدها ويربيها ولا يبطلها خلاص من هاداك الراجل خاطر ما يستهلهاش وماهيش صاينتو والله ماهو مليح الخدع

__________________________________________________ __________

>>>> الرد الثالث :

اهدري انت معاها ولكان ماسمعتلكش ثولي لراجلك باه يوقفها عند حدها

هذخ ماش تربية خلاص وحرام عليها تخون في واحد ناويها للحلال مع واحد يوقت معاها برك

__________________________________________________ __________

>>>> الرد الرابع :

يا أختي الموضوع لا ناقة ولا جمل لكي فيه.انسحبي من الموضوع وإلا وجدت نفسك في بيت أبوكي

__________________________________________________ __________

>>>> الرد الخامس :

الظاهر أنها أصبحت مدمنة و التغيير لازم يكون من قناعتها هي أرى أن تكلميها و تنصحيها بالتي هي أحسن فهمت صحة ما فهمتش الله يسهل عليها لا تقحمي نفسك بما أن أمها تعرف بالموضوع الله يسهل عليهم كل واحد يتعلق من عرقوبو
و الله يهديها و يصلحها