عنوان الموضوع : هل انتظر اكثر تم الاجابة
مقدم من طرف منتديات العندليب

السلام عليكم جميعا
بكل اختصار تقدملي شخص وافقت
كل مرة يقولي راح يجيو اهلو رسمي هادي مدة 7 اشهر كل مرة يدير سبة و يتحجج بظروفه
و اهلي قالولي يا اما يجيو يتمو رسمي يا اما ربي يفتح عليه
عندها شهرين قالي المرة لجاية وين نجي نديرو خطبة رسمي جا ما كان والو
و المرة لي بعدها تاني نفس الشيئ (لانو في العسكر)
حاليا يقول والدتو قاتلو رانا راح نخطبو و كلشي مي لازم نتمو اولا عرس اختك و من بعد نخطبولك ؟؟؟

واش ندير نصبر عليه اكثر ؟؟
هل اذا درت موقف نظلمه ؟؟

هل هو كرجل اذا وقفت الوالدة ضدو هكذا تصعب عليه اقناعها للدرجة هادي مع انها ماهيش رافضتني كشخص لكن تنتظر تكمل عرس اخته؟؟

هوما حالتهم المادية على قد حالهم يعني هو برك خدام مليح لكن انا قلتلو من ناحية الشرط و كلشي نساعفوهم و تفاهمت مع دارنا على هذا و متأكد لي راح نساعفوهم مي ؟؟


واش ندير ؟؟؟؟؟؟؟؟




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا اختي اذا كان خطبك رسمي و مازال غير الفاتحة
ساعفيه وراه المشكل لكن بدون اتصالات خلي اهلك هما لي يتفاهموا معاه
و اذا كان حكاية هواتف و قالي و قتلك ..انا من رايي تقطعي العلاقة معاه حتي يخطبك رسمي و تقراي الفاتحة
باه ما تغضبيش ربي

__________________________________________________ __________

>>>> الرد الثاني :

نصيحة اختي إذا عرفت أنّ والدته رافضة زواجه بك إبتعدي (غير خطيك)

__________________________________________________ __________

>>>> الرد الثالث :

وعليكم السلام ورحمة الله وبركاته

إذا كاين خطاب قيد الانتظار فلا تربطي نفسك به
وفي كل الأحوال لا يجوز لك التواصل معه غيري رقمك وهو يعرف بيتك إذا جا مرحبا إذا جا غيرو فمصلحتك أولى
لا تعلقي نفسك بأشياء تندمين عليها لاحقا ..ربي يفتح عليك

__________________________________________________ __________

>>>> الرد الرابع :

أختي كلامك معه دون رابط شرعي حرام زد على ذلك ترخيص لنفسك وقلة احترام لذاتك، حاولي حسم الامر إما خطبة دون اعذار لا يقبلها طفل صغير فما بالك انسان راشد، واما ان يحدد لك موعد وليكن بعد اتمام عرس أخته لكن دون كلام معه ، وإما قطع العلاقة إذا رفض الحلين السابقين ، اختي اتقي الله وتأكدي أن من يتعد حدود الله فسيندم ندما شديدا ...موفقة .

__________________________________________________ __________

>>>> الرد الخامس :

كيما قالت ماماك ربي يفتح عليه