عنوان الموضوع : خطبوني ولكن ..2 تم الاجابة
مقدم من طرف منتديات العندليب

السلام عليكم ورحمة الله وبركاته
انا صاحبة هذا الموضوع :
الحمد لله تمت خطبتي وشكرا لكل من نصحني لكني عدت اليكم واحمل قلقا كبيراا وطلبي منكم الدعاء اولا والنصح ثانيا فلا تردوني اخوتي الكرام
تمت الخطبة بسلام والحمد لله وكل شيئ كان لاباس بيه فقط لكن حاليا نمر بفترة قلق كبيرة بيني وبين خطيبي .هو حاليا مريض ومتوقف عن العمل بسبب الم في ظهره اللي قالي انه بسبب السياقة الكثيرة لانه يعمل سائق المهم في الاول كنا لاباس علينا ومع الوقت بدات حالته النفسية تتغير وكل منحكيو تحدث بيننا مشادات وقلق كبير ويرجع الامر دائما الى حالته ومرضه وتوقفه عن العمل انا مقدرة هذا الوضع للعلم قبل مايخطبني مكنتش عارفة انو وقف عمل السياقة تماما كنت اظن مؤقتا فقط الان هو لا يعمل لكن يفكر باش يخدم لما تتحسن صحتو بصح معلاباليش وش كاين في باله ولا وش راح يخدم
انا معدتش عارفة كيفاش نتصرف مريض وميخدمش وظروفه لا تسمح لنا حاليا بالزواج وايضا ميحبش نحكيو في تفاصيل حياتنا المستقبلية اطلاقا للعلم انا موظفة والحمد لله يعني مستعدة نوقف معاه لكن كل هذه الامور مؤجلة عنده
عاونوني بالنصح لاني تعبت بزاف معدتش عارفة كيفاش نعمل معاه نبعد حتى تتسهل اموره خفت يشوفني تخليت عليه في محنته نبقى معاه فقط كثرة المشاكل والتوتر والقلق مانيش فاهمة رايو عليا وادعيولي بتسهيل الامور
والسلام عليكم ورحمة الله وبركاته



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وهو كيفاش جا يخطب و هو محبس الخدمة ولا تاكل عليك زيدي فكري يابنت الناس ماتتسرعيش اعطي لروحك الوقت

__________________________________________________ __________

>>>> الرد الثاني :

حنونة انا ننصحك انك تزيدي تخمي مع روحك باسكو هادي راهي عشرة تع عمر كامل ماشي شهر و تروحي خممي مليييييييييييح راهو بلا خدمة و مريض وانتي حرة

__________________________________________________ __________

>>>> الرد الثالث :

كرهونا حياتنا هادو الرجال تعاونيه قستيه في رجولتو ماا تعاونيهش تخليتي عليه اختي انا ننصحك استخيري رب العالمين وخلاص باسكو تعياي تفهميهم وحدك ربي هو اللي يقدر عليهم

__________________________________________________ __________

>>>> الرد الرابع :

السلام عليكم ورحمة الله وبركاته
كان الله بعونك اختي الكريمة ويسر أمرك
أختي استخيري ثم اصبري
اذا كان هذا الشخص انسان ذو خلق ودين وناوي يعمل اذا شفاه الله فيجب عليك الصبر
أما اذا كان مستسلم لا يفكر تماما في العمل فلابد من اعادة تفكيرك جيدا
كيف ستعيشين معه ؟وكيف يصرف على أسرته؟
المهم أختي اكثري من الاستغفار والدعاء والله لن يخيبك
يسر الله لك الحال


__________________________________________________ __________

>>>> الرد الخامس :

المشاركة الأصلية كتبت بواسطة hassina2
كرهونا حياتنا هادو الرجال تعاونيه قستيه في رجولتو ماا تعاونيهش تخليتي عليه اختي انا ننصحك استخيري رب العالمين وخلاص باسكو تعياي تفهميهم وحدك ربي هو اللي يقدر عليهم



انا من راي الاخت حسينة

الله المستعان