تحطمت كليا مشكلتي

[mira]

عنوان الموضوع : تحطمت كليا مشكلتي
مقدم من طرف منتديات العندليب

السلام عليكم
اولا : الحمد لله على كل على ، اللهم لك الحمد حتى ترضى ولك الحمد اذا رضيت ولك الحمد بعد الرضا .... ولك الحمد على كل حال.. :وردة:

أنا فتاة ابلغ من العمر 17 سنة محافظة على صلاتي عقبت البيام العام هذا دوبليت 2 مرات صحباتي العام الجاي يعقبوا الباك وانا البيام والله مقدرت نصدق كرهت من حياتي تمنيت الموت تديني و ميصراليش هك الدمعة منشفتش من عيني كل يوم نبكي و مرتحتش ولله نغير عندي فراغ في قلبي ومنهدرش منضحكش منكلش قاع ببساطة كرهت كلش و كرهت الدنيا وقلبي طول يخبط كي نشوف صحباتي زاهييين وانا لا واااش ندييربصصح راضية بحكم ربي بلاك بلاني بالشىء هذا و راني صبرا على كلش منرتاحش حتي ندي البااااك و يتنحي الثقل لي على ظهري اسمحولي طولت عليكم
نتمني تنصحوني
في أمان الله
ادعولي بظهر الغيب ولكم بالمثَل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي اختى نحي عليك هاد التخمام و اتلهاي بقرايتك
شوفي نقاط الضعف تاعك اللي خلاوك عاودتي عامين اذا المشكل منك بسبب التقصير زيري روحك و ما تخميش اللي صار صار
اذا الله غالب ديري دروس خصوصية و أقراي صدقيني اللي يتعب ينجح اعرفي برك كيفاش تستغلي وقتك
اما بخصوص صحاباتك خلاص ربي يسهل عليهم انتي المفروض درك تديري صحابات جدد من الكلاسة الي تقراي فيها كان تبقاي تبعيهم تمرضي برك
الخلاصة ركزي على قرايتك و نحي عليك التفكير السلبي لانه راح يقضي عليك و يضيعك اكثر

__________________________________________________ __________

>>>> الرد الثاني :

السلام عليكم
اولا اختي الكريمة اتمنى لك النجاح في دراستك .....
ثانيا ما فائدة التخمام وعدم الاكل والبكاء ؟؟ تزيدك هما على هم ........ وتقلقي بذلك اهلك عليك و تضياق اكثر الدنيا في عينيك ولا تستطيعي العيش والتاقلم ......... والموت عزيزتي بيد الله سبحانه ، وكلش بالمكتوب ...... حتى النجاح في الدراسة والحياة عموما ..........
لا تفقدي الامل ولا تلتفتي الى من هم اعلى منك بل لمن اقل منك ظروفا ومستوى سترين انك احسن منهم بكثير و لك نعم يتمنوها ، اذن داومي على الاستغفار وذكر الله في كل حين حتى تتخلصي من الصدمة التي انت فيها ومن هذه الوساوس التي تترصد بك ...... واستعيني بالله في كل شيء ................ ولا تنسي اداء واجباتك الدينية ولا تهمليها حتى ترجع اليك ثقتك بنفسك وثقتك بالله تعالى .......
وربما هذا العام ان شاء الله تكوني من الناجحين ومن يعلم ؟؟؟؟ ............... اكرر لك اختي لا تقنطي من رحمة الله ................. ربي يوفقك والله المستعان

__________________________________________________ __________

>>>> الرد الثالث :

المشاركة الأصلية كتبت بواسطة مشكلتي السلام عليكم اولا : الحمد لله على كل على ، اللهم لك الحمد حتى ترضى ولك الحمد اذا رضيت ولك الحمد بعد الرضا .... ولك الحمد على كل حال.. :وردة: أنا فتاة ابلغ من العمر 17 سنة محافظة على صلاتي عقبت البيام العام هذا دوبليت 2 مرات صحباتي العام الجاي يعقبوا الباك وانا البيام والله مقدرت نصدق كرهت من حياتي تمنيت الموت تديني و ميصراليش هك الدمعة منشفتش من عيني كل يوم نبكي و مرتحتش ولله نغير عندي فراغ في قلبي ومنهدرش منضحكش منكلش قاع ببساطة كرهت كلش و كرهت الدنيا وقلبي طول يخبط كي نشوف صحباتي زاهييين وانا لا واااش ندييربصصح راضية بحكم ربي بلاك بلاني بالشىء هذا و راني صبرا على كلش منرتاحش حتي ندي البااااك و يتنحي الثقل لي على ظهري اسمحولي طولت عليكم نتمني تنصحوني في أمان الله ادعولي بظهر الغيب ولكم بالمثَل

وعليكم السلام
ربي يحفظك أختي ....
أبدا لم يكن العمر عيبا في طلب العلم ...
ايه انت ضيعتي عامين المهم انك متزيديش تعاودي ...
تخمامك ماشي في صالحك حنونة بعيد الشر عليك وعلاش تخممي فالموت ؟؟
بزااف منجحوش وضيعو عوام بالصح في الاخير جابو الباك وتخرجو ولاباس عليهم
شوفي مع قرايتك وانساي لي فات فات خمي فالجاي
وان شاء الله تجيبي البيام تاعك هاد العام وتعياي وتجوزي الباك
عوام الليسي تجوز بالخف ربي يوفقك حبيبة

سلام

__________________________________________________ __________

>>>> الرد الرابع :

دوبليتي عامين وعليك هم كبير بسببهما
فما رايك بمن فصل من الدراسة كليا
او ما رايك في من اقصي من الباكالوريا 10 سنوات
او ما رايك في من فرض عليها ابوها او اخوها عدم اكمال الدراسة لسبب اولغيره
وما رايك في من فرض عليها زوجها ترك عملها ولما تركته طلقها
وما رايك وما رايك وما رايك
كل ما ذكرناه دنيا زائلة ركزي على ارضاء ربك
وهو سيعطيك الدنيا رغم انفك
الم تقرأي قوله تعالى
ومن يتقي الله يجعل له مخرجا

__________________________________________________ __________

>>>> الرد الخامس :

اختي هذا مكتوب ربي عسى ان تكرهو شيئا و هو خير لكم

ا