عنوان الموضوع : انصحوني تم حل المشكلة
مقدم من طرف منتديات العندليب

السلام عليكم
اترددت باش نكتب مشكلتي لكن بقات في قلبي وملقيتش لمن نحكي
انا متزوجة عندي عامين وراجلي يحبني ونحبو الحمد لله
بصح اليوم اكتشفت بلي زوجي عندو غراميات على لنترنات يحكي مع بنات كأنو عازب
مع العلم على واش كان الحديث يدور بينتهم ملفين يتلقاو
خلا حسابو مفتوح فالميكرو وكان يدردش مالهاتف ديالو وانا كونت على المباشر نقرا الحوار لي كان بينتهم ملميكرو
شديت روحي حتي خرج وخرجت واش في قلبي بالبكاء حرت ولا نصارحو ولا نسكت ولا واش ندير
بقيت مشنفة عليه ومقدرتش نخزر فيه بالرغم هو كان يسئلني واش بيا وانا غير نقولو مابيا والووووووو
ياربي والله حرت خفت نصارحو نخسر داري خفت نسكت يكمل في واش راه فيه وتتطور الامور للاسوء
نصحوني اعطوني رايكم في مشكلتي هادي واش ندير
مع العلم اني حاجة متخصني معاه مليح معايا نعم الزوج وهادي لحاجة لخلتني مترددة فقراري معاه



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يجب ان تصاريحه بالحقيقة حتى يكف عنها فالدين النصيحة
ارجو ان يتغير للاحسن

__________________________________________________ __________

>>>> الرد الثاني :

مادام ما يخصك والو معاه معناها نظن ما تخافيش عليه هادي مجرد نزوات يدفعو ليها الشيطان وتدفعو نفسو اذا كانت قوية عليه
نتي أولا لازم تراجعي نفسك واش راكي مقصرة معاه في أي حاجة
تحاولي تصلحي واش قصرتي وتكوني أفضل
ثم بعد ذلك تصارحينه بالتدريج وتكوني قوية كي تصارحيه
وما تصارحيش كلش مرة واحدة
قوليلي راني حسيت بلي راك تهدر في الانترنت والتيليفون قولي علاه
هو هكدا يبدأ يراجع نفسو ويبطل بلعقل
ثم كل مرة تصارحيه بحاجة جديدة كل مرة حاجة
لكن ليس مرة واحدة
ولازم تكوني قوية شوية
وشيئا فشيئا ترجع المياه لمجاريها

لكن تأكدي أنها وساس الشيطان والنفس الأمّارة بالسوء فقط إن شاء الله

__________________________________________________ __________

>>>> الرد الثالث :

انقولك اختي ما دام لنت راه يهدد دارك قطعي خيط التيليفون و قوليلو انقطع وحدو و دير الف سبب و سبب و نحي النت

ما ننصحكش تصارحيه ديري روحك ماعلابالك بحتى حاجة انثرفي عادي لانو ايلا صارحتيه راح تفقدي قيمتك ايلا بقا على حالو فهمتيني

__________________________________________________ __________

>>>> الرد الرابع :

علاش ما تهدريش معاه

ما تخافي ما والو بالعكس كي تقعدي ساكتة اللي يزيد الوضع سوء

فهميه أنك شفتيه صدفة باش ما يقولوش راهي تجسس عليا

و ادي منو عهد باش يزيدش يهدر معهم و ينحي البنات كامل من فيس بوك

__________________________________________________ __________

>>>> الرد الخامس :

السلامعليكم

انا في راي كون كيشفتيه يحكي على المباشر في الدقيقة هاديك هدرتي معاها و قلتيلو يفهمك واشي هدا


ربي يصلح الاحوال