عنوان الموضوع : تركني بعد انتظاره
مقدم من طرف منتديات العندليب

السلام عليكم

حبيت نحكي ونفرغ واش كاين في قلبي


انا فتاة موظفي في أحد مؤسسات الدولة قبل عام ونصف كاين واحد يخدم معايا عجبتو وقرر


يخطبني لكني رفضت كونو عامل في اطار عقود ما قبل التشغيل


هو قعد يستنى ما حبش يزوج بغيري ومن فترة ترسم وجا للدار و حكى مع الوالد و الوالد سقسى

عليه ولقاه ولد حلال


لكن مشكلتو انو والديه مطلقين وهو باباه سمح فيه كي كان صغير ولما سمع بيه راح يزوج قالو


مانيش راضي عليك و دعوة الشر كون تزوج بخدامة


والآن شكلو بطل مني بعد ما ستنيتو عام ونصف وضيعت العديد من فرص الزواج على خاطرو


انا لي ما فهمتهاش انا واش ذنبي و هو كيفاش يصنت لراجل سمح فيه مع العلم انو بخير عليه


وعندو أولاد من زوجات أخريات وكاتبلهم ارزاق واملاك وهو مسكين عاش حياة الميزيرية


رايو عليا كي ندير نقنعو


انا حياتي ضاعت



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي هادا باباه وتانيك لعل هذا الامر فيه خير لك خير من بعد تعيشي في مناوشات و راكي تعرفي حال المطلقين من بعد ولادك يكبرو ويقولو جدنا يحب احفادو لخرين علينا تم ماعنك ماراح جاوبيهم اادعي ربي يرزقك بولد الحلال ان شاء الله

__________________________________________________ __________

>>>> الرد الثاني :

حبسي الخدمة وين راه المشكل ،مادام ترسم وبخير عليه

وربما الأب رفض الخدامة من اجل مصلحة ولده

طول حياتو عايش بدون أسرة ومن حقو يطمئن ع ابنه

حتى لو تخلى عنه يبقى ولده .

وكلنا نعلم أنو قليل وين توفق العاملة بين بيتها وعملها

فكانت نظرة الأب راحة وسعادة ابنه واذا كنتي ناويتو صح

بطلي الخدمة أحسن

__________________________________________________ __________

>>>> الرد الثالث :

السلام عليكم

يا اختي هو راه كبير ويعرف ...
اذا يحبك صح وناويك للحلال .. حتى كلام مايأثر فيه

اذا كان عكس ذلك .. راه يحوس على اي سبب للانفصال وخلاص

لوانا حتى وان انتظرته كرامتي لا تسمح لي بان ابحث عنه ان هو تركني



__________________________________________________ __________

>>>> الرد الرابع :

العلاقة بينه و بين امه و ابيه شيء

و العلاقة بينك و بينه شيء آخر

و لا يمكن الخلط بينهما أبدًا

==========

الحل انك تحبسي الخدمة

مادام خطيبك خدام و مترسم و الحمد لله

__________________________________________________ __________

>>>> الرد الخامس :

وانت علاش ماقبلتيش بيه لما كان ( في عقود ماقبل التشغيل ) ؟؟؟ لما طلبب يخطبك ؟؟
( ام كان فقيرا يومها يخلص 600 الف ) ؟
ماقبلتيش بيه لانك كنت تشوفي مصلحتك وماترميش روحك هكداك
( وهدا من حقك طبعاااا )

ادا
حتى باباه من حقو يشوف مصلحة وليدو



ممكن باباه يسمع عن فضائح العاملات داخل المؤسسات لهدا حدر ابنه من الزواج من موظفة ,,
الرجال لما يقعدو في المقاهي مثلا يسمعو بزاف كلام وحكايات
واكيد 100% هدا هو السبب حسب

اتكلمي مع لي راح يخطبك عن السبب

انا ولله مانقدر نعاونك
الان الامر بيدك وانت سيدة قرارك
تبطلي الخدمة وتتزوجي بيه ولا ماتبطليش الخدمة وماتتزوجيش
شوف لي يخرج عليك واستشيري امك