عنوان الموضوع : مشكلتي هل أنا المخطئة مشكلة
مقدم من طرف منتديات العندليب

السلام عليكم
راني مقنوطة و حبيت نخرج واش كاين في قلبي انا اعمل استاذة في الثانوية عمري 30 سنة ماشي متزوجة راكو تعرفوا كل عام حكاية نفسها بالنسبة لتوزيع جداول التوقيت و المستويات قاع نحبوا نطيحوا مع تلاميذ ملاح خاصة في الثانوية ديالنا جاية في منطقة شوية حساسة يخدمو معايا 4 اساتذة من نفس المادة 2 منهم من نفس سني تقريبا ولكن متزوجات وا حدة عندها طفلة و الثانية ولد نقولكم هذا باش تفهموا كلش امبعد و كاين الاستاذة المنسقة امراة كبيرة متزوجة و عندها اطفال و كاين راجل تاني هو الصغير فينا و يخدم ما شاء الله جامي يشكي مسكين والمشكل الي يتكرر كل سنة بنفس الاسطوانة هو توزيع المستويات دائما المتزوجات اللي من سني مايحبوش يشدوا المستويات العليا بحجة انهم متزوجات و عندهم اطفال و والمنسقة و الاستاذ الشاب هوما لي يحكموا المستوى الثالث مع مستوى اخر حتى انا حكمت طلاب الثالثة عدة مرات و خدمت معاهم نورمال وهذا العام في زهري طاحلي جدول توقيت مليح و مستويات ملاح الحمد الله لانو في السابق دائما ايطيحلي كارثة و كي نشكي اقولولي معليش هوما متزوجات و عندهم اطفال ونتي راكي سليبتار براسك كل عام هكذا نسمعها و هذا العام كي جاني مليح جات عندي المنسقة طلبت مني نمدو لاستاذة اخرى بحجة ان هذه الاخيرة ما تقدرش تخدم بالجدول تاعها شارجي شوية و قالتلي لوكان انا وزعت الجداول مانمدهولكش ليك نمدوا ليهم لانهم متزوجات باطفال اما انت مراكيش متزوجة تقدري تسلكي بيه المهم انا رفضت نبدلو وحسيت بلي هوما زعفوا و دوكا وليت نحس روحي ماشي مليحة كي نروح الخدمة خممت حتى نحبسها ما فهمتش هاذ العقلية لي متزوجة تتكسل و تدي الشهرية واللي ماشي متزوجة تخدم يحرثوا فيها نورمال ا على أساس راني فرحانة بروحي كي ما رانيش متزوجة مع انني اتمنى هذا كل يوم وندعي ربي صباح و عشية ونبكي ساعات بصح واش ندير وهوما متزوجات و لاباس بيهم من كل النواحي ايزيدوا يشكوا و يحبوا كلش ليهم و الله غير غاضني الحال و المشكل كل عام يصرا هكذا ما يهدالهمش بال حتى يدوا واش حبوا و هذا العام كي طاحلي في زهري حبو يفسدوها عليا والله غير كرهت الخدمة قولولي راني غلطة ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كيف تتوقفين عن العمل

؟؟؟؟؟؟؟

انت طيبة فوق اللازم

حتى انت ابحثي عن مصلحتك

ولي معجبوش الحال يخبط راسو في الحيط

__________________________________________________ __________

>>>> الرد الثاني :

ختي نتي باين بلي عاقلة بزاف وبنت فاميليا شافوكك عاقلة حبو ياطكلوك ياحختي الحاجة الاولى الخدمة مافيهاش العاطفة راكم كامل خالصين متزوجة ولا مطلقة مالا علاه تخدم كي متزوجة معجبهاش الحال هوما يحبسو ماشي نتي نتي تان عندك حياتكك الخاصة وداركم ويماك واهلك نورمال ماتحبسي موالو ومتسمحيش في وقتك هوما اللي غالطين وماتمديلهمش فرصة يطيحولك مورالك قوليلهم رانا كامل خالصين وكامل خدامات وادا نتي بولادك مساعدكش الوقت متخدميش ولا حابة تدي وقت مليح وزيد تخدم كل واحدج يحوس على مصلحتو الله يسترنااااااا

__________________________________________________ __________

>>>> الرد الثالث :

كبري قلبك أختي

حطي نفسك في مكانهم كون جيتي متزوجة و كاينة واحدة مش متزوجة كون راكي تخمي كيفهم

ديري الخير فيهم معليش علابالك وحدة متزوجة تكون عندها مسؤوليات أكثر

صح تتعبي كثر مي يجي نهار تسحقيهم و يهزوك

شوفي هذاك الشاب كيفاش ما يشكيش علاش ؟ ماشي بسكو جايح مي علابالو النساء ديما عندهم مشكل تع التوقيت مي الراجل يقدر نورمال ملغري يتعب مي يراعي الظروف تع االزملاء تاعو

__________________________________________________ __________

>>>> الرد الرابع :

إستغفري يا أختي الحياة صراع ماتسمحيش في حقك الجدول راه نتاعك ما تمديه حتى الواحد .هاذو ك كسالى يتخباو وراء الاولاد والبيت انتي كذالك عندك بيت و اهل ما ركيش في الفندق لي ماهيش قادرة تبقى في بيتها مع اولادها.

__________________________________________________ __________

>>>> الرد الخامس :

بالكي تحبسي الخدمة هي صح متزوجات عنهم مسؤوليات اكبر بصح مادام الجدول تاعك بالكي تسمحي فيه واللهع والله قدمى ديري مع ناس ما راح يستعرفو بيك