عنوان الموضوع : التأقلم مشكلتي
مقدم من طرف منتديات العندليب

السلام عليكم

مشكلتي هي عامي الاول في الجامعة .ﻻ اجده عاديا لانني نتعب بزاف و مالقيتش روحي ما رانيش كيما كنت سابقا ندرس و نتعب و ﻻ ابالي اطﻻقا ببقية التوافه كبعض المشاكل .
و خصوصا اني اعتدت على استادين كانو يقروني ووقفو بجانبي و دعموني و شجعوني لدرجة كنت ندرس و نتعب عﻻجالهم و علاجال والدايا.هاد العام راني وحدي و ما لقيت حتى واحد يدعمتي خصوصا في بعض العثرات. و معرفتش كامل كيفاش نظم وقتي و ندرس صرت خوافة و نخاف بزاف من المجهول


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

راح تعتادي مع مرور ايام وعام يبان من خريفو والدعم الحقيقي توكلي على ربي سبحانو وتعالى

ودعاوي الوالدين الكريمين
ودوري وعصري عقلك انك تربحي هاد عام وفقط

موفقة

__________________________________________________ __________

>>>> الرد الثاني :

دوام الحال محال ........................

__________________________________________________ __________

>>>> الرد الثالث :

عادي كلنا كان العام الاول في الجامعة صعيب لدرجة انك تقولي ضرك نبطل بصح درك تتاقلمي وتجيك عادي فقط شوي ارادة وكلش يفوت

__________________________________________________ __________

>>>> الرد الرابع :

اختي ماكانش لي طلع الجامعة وماجاهش الحال تبدل عليه.
البعض يتاقلم لاحقا والاخر ربما يفوتو الرتم واخرون يجيحو.
عادي............انصحك بعدم الخوف..................بحظور الدروس كلها .الا ادا كان حقا الاستاد لافائدة مرجوة منو.....يعني حتى الدرس لايمكن تجيله في حصته.لاشرح ولهم يحزنون ..عدا دالك احظري جميع الدروس والاعمال الموجهة.وازربي افرزي روحك......شوفي هادو هوما ليامات لي تنظمي روحك فيهم..ماتخليهمش يفوتو............من بعد ماتلقايش روحك وقادر تلاشي خلاص.
نصيحة اخرى....مهما كان تخصصك.......والله التعب لي تعبتيه في الباك لايضاهيه تعب......يعني حاجة ماتخلعك.كلش يتقرا وكلش راهو في متناول اي انسان عقله سليم ولايعاني من تخلف عقلي
اتمنى ان تفيدك كلماتي وان كانت مبعثرة وعشوائية........فقط حتى لاانسى......كي تعودي رايحة تقراي كل صباح ادعي ربي يحفظك ويسرلك امورك في الجامعة
بالتوفيق اختي الغالية.ادام الله نجاحاتك.ليس الان وقت التخلي عن الاجتهاد

__________________________________________________ __________

>>>> الرد الخامس :

هذه حالة عادية أي كل تغير في المكان ينتج عنه ضيق. خوف.قلق .إضطراب ....إلخ

حاولي إيجاد رفقاء جيدين و لاتفكري في الخلف أبدا لأن (رأي أنا) أيام التحضير للباكلوريا لن تتكرر إلا نادرا ..في الجامعة هنالك تيارات كثيرة إياك وأن تنجري خلفها ...
موفقة بإذن الله