عنوان الموضوع : قصة وفيها عبرة .......للرجال الزوجية
مقدم من طرف منتديات العندليب

إخواني أخواتي أريد أن أحكي لكم قصة حدثت لجارتنا وأريد أن تقرؤوها وتفيدوا بآراكم الجميع
هي فتاة سنها بين 26 و27 لا أعرف بالضبط كل صفاتها جيدة فهي فتاة مطيعة لوالديها متخلقة متربية وبنت فاميليا
المهم جا واحد باش يخطبها بصح اشترط يتعرف عليها شوية قبل الفاتحة ، تفاهموا أنو يتكلموا في الهاتف
هي مسكينة نية كانت تحكيلو كلش وكانت دايما تبعثلو رسائل نصية قصيرة وتبعثلو رنات كيما يقولو تبيبيلو
ارتاحتلو وفتحتلو قلبها ودارت فيه الثقة لأنها نية وتعاملت معاه بدون تحفظات
المهم مشاو الأيام حتى شهر الراجل تبدل تقول قرصاتو أفعى تبدل عليها وما عادش يعيطلها في البورتابل
المسكينة تشطنت ولات كي المهبولة تعيطلوا ما يهزش عليها تبعثلوا الرسائل النصية القصيرة ما يردش عليها مسكينة
المسكينة نهار كامل تبكي كي تشوفها تغيضك
ومن مدة سمعنا بلي السيد خطب وشكون خطب؟
خطب وحدة معروفة بلي سيرتها شوية وعلاه؟ الله أعلم
الطفلة هدرت مع أختو واش قالتلها؟
قالتلها رانا نصحناه بصح راه مصمم على رأيو وعلى واه قاللهم
هاذيك كلشي تحكيهولي وكلشي عطاتهولي مي اللي راهو باغيها ما عطاتلوش كلش
وهذا واش خلاه يتعلق بيها على خاطر من تجاربها السابقة عرفت كيفاش تتعامل مع الراجل
على هذا ننصح إخواني الذكور بالاكم من المرأة اللي تجريك وتعييك شوف وحد نية مسكينة ما تعرفش كيفاش طريقة التعامل مع الرجال
أما المرأة اللي تجريك وتعييك راهي عندها خبرة واسعة في هذا الميدان وهذا من وجهة نظري ومن له رأي مخالف فليتفضل به


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي معاها المخلوقة

__________________________________________________ __________

>>>> الرد الثاني :

الحلال بين والحرام بين وبينهما أمور مشتبهات يجب أن نجتنبها ناهيك عن الحرام فمن وقع في الشبهات وقع في الحرام.
هذا شرح بسيط لحديث المصطفى صلى الله عليه وسلم والحديث موجه للجنسين .
ما دام أن الرجل لم يعقد على الفتاة فهما أجنبيان عن بعضهما البعض ولا يجوز الإختلاء لوحدهما والعلماء قالوا أن حديث الفتاة المخطوبة وخطيبها في الهاتف يأخذ حكم الخلوة التي نعرفها.
أنا هنا لست من أجل الفتوى أوما شابه .ما أردت أن أقوله أن هذه المسائل طريقها واضح والتعامل معها ليس فيه تعقيد أو مشقة .

__________________________________________________ __________

>>>> الرد الثالث :

المشاركة الأصلية كتبت بواسطة kamel76
الحلال بين والحرام بين وبينهما أمور مشتبهات يجب أن نجتنبها ناهيك عن الحرام فمن وقع في الشبهات وقع في الحرام.
هذا شرح بسيط لحديث المصطفى صلى الله عليه وسلم والحديث موجه للجنسين .
ما دام أن الرجل لم يعقد على الفتاة فهما أجنبيان عن بعضهما البعض ولا يجوز الإختلاء لوحدهما والعلماء قالوا أن حديث الفتاة المخطوبة وخطيبها في الهاتف يأخذ حكم الخلوة التي نعرفها.
أنا هنا لست من أجل الفتوى أوما شابه .ما أردت أن أقوله أن هذه المسائل طريقها واضح والتعامل معها ليس فيه تعقيد أو مشقة .

خويا ماراناش في الحرام والحلال
أنا حكيت قصة صرات صح لفتاة كل ذنبها أنها كانت نية وتعاملت بكل عفوية

__________________________________________________ __________

>>>> الرد الرابع :

هذى القصة لازم تكون عبرة لكل لبنات وحتى الشباب لانو التعارف الطويل قبل الزواج ماهوش مليح ويجيب غير لبلا
شكرا للموضوع

__________________________________________________ __________

>>>> الرد الخامس :

بعض الرجال مجرد حثالة من البشر
لكن كما تدين تدان