عواقب التفرقة بين الأولاد حياة زوجية

[kouka]

عنوان الموضوع : عواقب التفرقة بين الأولاد حياة زوجية
مقدم من طرف منتديات العندليب

السلام عليكم جميعا و رحمة الله و بركاته
.أردت اليوم طرح هذا الموضوع الذي خطر ببالي و أنا أتحدث مع إحدى صديقاتي و التي منذ مدة لم ألتقها،و قد حزّ في نفسي كثيرا ما كانت تروي لي عن إحدى قريباتها ، وهي تعاني من مشكل معروف في بعض المجتمعات و هو تفضيل بعض الآباء للذكور على الإناث.مما أدّى إلى التفكك داخل الأسرة فحسب ما فهمته من خلال حديثها أن هذه التفرقة بين الأولاد أدت إلى شعور الذكور بالأفضلية و اسخدامها كسلطة مطلقة على الإناث اللواتي يشعرن بالمرارة لفقدهن أبسط حقوقهن كالدراسة، في ظل الاحساس بغياب الحامي الأكبر لهن ألا و هو الأب.لقد تأثرت كثيرا و شعرت بأسى كبير لما روته لي عن بعض التفاصيل اليومية من حياة هذه الأسرة، و التي أتعذر عن روايتها كي لا أطيل عليكم.........
.دمتم طيبين و السلام عليكم.
تحياتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي فعلا موضوعك مهم هذي الظاهرة كاينة في كل منزل البنات يتعبوا مع الشغل فالدار والذكور ياكلوا وينوضوا ويزيدوا الجبروت من الفوق يامروا لازم تنفذي وكي نشكي ليماك تقولك خوك كبير عليك والمشكل حتى لو كان صغير يعطولوا قيمة على إنوا راجل نتاع الدار ما فهمناش علاه إحنا اللي نتعبوا حتى كلمة صحى ما نسمعوهاش والولد يظل برا وكي يدخل يقلب الدار ولازم تمشي موراه وترفدي واش دار هو وماراناش ملاح ويزيدوا يقولك المرا ماشي مليحة ربي يهدي والدينا هوما اللي يحلولهم العينيين واش نقول واش نحكي الذكور كلاونا حتى المرا كي تولد تجيب طفلة يتشنفوا مي كي تجيب الطفل الخرفان ينذبحوا عام وهوما مع الطمينة ربي يهديهم شكرا ختي قلبي معمر منهم ههههههه


__________________________________________________ __________

>>>> الرد الثاني :

التفرقة سببها نقص الثقافةعند الاولياء

__________________________________________________ __________

>>>> الرد الثالث :

المشاركة الأصلية كتبت بواسطة مريلينا السلام عليكم أختي فعلا موضوعك مهم هذي الظاهرة كاينة في كل منزل البنات يتعبوا مع الشغل فالدار والذكور ياكلوا وينوضوا ويزيدوا الجبروت من الفوق يامروا لازم تنفذي وكي نشكي ليماك تقولك خوك كبير عليك والمشكل حتى لو كان صغير يعطولوا قيمة على إنوا راجل نتاع الدار ما فهمناش علاه إحنا اللي نتعبوا حتى كلمة صحى ما نسمعوهاش والولد يظل برا وكي يدخل يقلب الدار ولازم تمشي موراه وترفدي واش دار هو وماراناش ملاح ويزيدوا يقولك المرا ماشي مليحة ربي يهدي والدينا هوما اللي يحلولهم العينيين واش نقول واش نحكي الذكور كلاونا حتى المرا كي تولد تجيب طفلة يتشنفوا مي كي تجيب الطفل الخرفان ينذبحوا عام وهوما مع الطمينة ربي يهديهم شكرا ختي قلبي معمر منهم ههههههه

ياعمري يا مريلينا راكي معمرة ههههههههه منهم ربي يعينا حبيبتي هذا هو مجتمعنا الاولية لي ذكور في كل شئ ؟؟؟؟ مشكورة حبيبتي على مرورك أسعدتني

وهذي علبة شكولا مني لكي غاليتي متزعفيش

__________________________________________________ __________

>>>> الرد الرابع :

هذا المشكل حقيقة متفشي ..............لكن لا يجدر بنا نضع البنت في موقف المضلومة التي وجب عليها التمرد..................فهؤلاء اخوتها فلربما يضلمها في وقت ما لكن اكيد يجي وقت ويرجع ........................نحن مثلا في عائلتنا عندنا اخت وحيدة و8 اولاد تصوري معاناتها معنا الكل يطلب الكل اخدميلي هاديك و.....و.......لكن هي كانت تتعامل بطبيعتها تحاول تخدمنا بكل استطاعتها واذا تعبت او كان عندها امر مكانش اللي يخلط فيها ...............بالرغم انها هي مدللة البيت يعني واحد يرفع عليها صوتو يبات برا هههه............وكانت تدرس ونجحت وبالرغم من كل شيء صبرت علينا وانا اعترف اني كنت اضع نفسي امبراطور امامها ......والان نحن كبار وهي مازالها على العهد بخدمتها لنا ..............وتزوجت ولها اولاد وكل اخوتي يكنون لها التقدير والاحترام وقالتلي مرة انها تكره واحد يقلها انا منحتاجكش ....................يعني مرات تستفزني في طلب نقلها خلاص مانحتاجكش هههه....................حفضها الله ورعاها.......................................وابي لا تصله مشاكلنا ابدا لاننا نخافو منو هههههه...............

__________________________________________________ __________

>>>> الرد الخامس :

وقد يكون التفرقة بين الأولاد بمدى إثبات بعضهم فعاليتهم في الأسرة مقارنة بالبعض الآخر الكسول ...