عنوان الموضوع : كيف اعرف انه يحبني تم الاجابة
مقدم من طرف منتديات العندليب

.................................................. .........


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة bellahoil
ارجوكم ساعدوني

انا بحب شخص وشي مرات يبين عليه انه يحبني كنت انا نتجاهله حتى ولا ضروك يتجاهلني وشي مرات ينشعني فالجماعة . هاكا وليت نحس انه يكرهني مثلا غدوا يجي يهدر معايا عادي ومين ينشعني يفرح ويقعد ايشوف فيا لا نزعف ولا لا لا.ويحكي معا لبنات ويشوفني لا نغير ولا لا
ولمرات الاولى كان يقعد يشوف فيا ويضحك معايا ويتبسملي ويسال عليا مين نتغيب وضروك راهو يتجاهلني ارجوكم اعطوني حل في رايكم يحبني


والله عندما قرات سؤالك تدكرت قصة اعجبت بها كتيرا ............

كنت وحد النهار مريح نتفرج ...فى برنامج اوبرا المشهور ........

استقبلت اوبرا المديعة المشهورة طبعا ..هداك النهار وزيرة ........

الخارجية الامريكية هيلاري كلينتون ...زوجة الرئيس الاسبق بيل

كلينتون ...قالتلها المديعة ..كيفاه كانت قصة الحب بينك وبين بيل ..

كلينتون ...قالتلها وزيرة الخارجية عادي جدا ..كان ديمة يشوف ..

معايا فى البيت الابيض ..وخطرات يتجاهلنى ..وخطرات ...ينشعنى

والله تقول انتيا والمواصفات ليعطيتينى ...فى بيل كلينتون تاعك ...

تعرفى واش دارت هيلاري ...عيطت لبيل ...قالتلوا ...تحبنى .....

قالها نموت ...عليك ...قالتلوا خلى الهوليود للعالم التالت ..ورواح

نزوجوا ...فقط ........

لهدا انصحك يا اختى ..شوفى بيل كلينتون تاعك ..ادا تحبنى ....

لحياة راهى قصيرة ..ارواح نزوجوا ..وعيشوا لافى ...بدون تعقيد

كيمة ..نقولوا فى صفحة كلام الصح ييجى بضحكة ...............

سهلها تسهال وصعبها تصعاب..يعنى هيلاري كلينتون ماشى خير

عليك هههههههههههههههههه

__________________________________________________ __________

>>>> الرد الثاني :

لاحول ولا قوة الا بالله

__________________________________________________ __________

>>>> الرد الثالث :

كي تقولي واحد ينشعني في الجماعة يعني واحد مش مقدرني
علاقة غير شرعية ومحرمة اخطيك منها
ربي معاك

__________________________________________________ __________

>>>> الرد الرابع :

هههههه هذا حاب يتمسخر بيك مابانليش يحبك حاب يخليك تحبيه على خاطر الاسلوب هذا راهو مشهور يدير هكا باش تولي انت تهتمي بيه و تحتيلو قيمة و بشويا ترجعي تحبيه و دجي الفاس فالراس كيما يقولو انا نصيحتي اخطيك منو و اذا حابك راهو يجي يقولك ماتكسريش راسك

__________________________________________________ __________

>>>> الرد الخامس :

الي يحبك ويقيمك مايتصرفش معاك تصرفات صبيانية او تصرفات مراهقين

الي يحوس عليك يجيك لباب الدار

مي انت ثاني يا اختي اثقلي شوي مش اي واحد يشوفك ولا يديرلك جاسك تروحي طول تبداي في الحساب

ربي يتمملك على خير