عنوان الموضوع : // كاميرا تصوير الاعراس ..واش رايك //ا جماعة حياة زوجية
مقدم من طرف منتديات العندليب


السلام عليكم ...

واش راكم يا جماعة ...انشاء الله تكونوا بخير ...يارب وتكونوا ...

كيمة انا اليوم ...تحسوا بالارتياح .....والانشراح ....الحمد للله ....

المهم باش ندخلوا فالموضوع ...كل ما يبداو لعراس ..فالوقت هدا ..

كيمة ليامات هادوا ...يبداو لحكايات تاع ...تصوير العرس ...

كاين لميحبش ...يصور العرس بالكاميرة ...كيمة يقولوا مخالفات

شرعية ...وكاين لتعرضوا يقولك متصورنى انا والا مرتى ...

وكاين لنورمال ...يصور هو ودارهم ولمعاريض ..وكاين ليجيب

مرتوا والدراري ...وكيلقاو الكاميرا تاع العرس تصور ..يتبسم

ويعدل روحوا ...ومبعد يقولك كتفرجوا فالكاسيطة ...يقولك شوفنى

ادا كان خرجت بوقوس .....هههههههههههههههههههههههههههه.



واش رايكم يا جماعة الخير ....


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ما تعجبنيش الكميرا اذا حبو يديروها يصورو بها العروسة برك

__________________________________________________ __________

>>>> الرد الثاني :

المشاركة الأصلية كتبت بواسطة hadil2044
انا ما تعجبنيش الكميرا اذا حبو يديروها يصورو بها العروسة برك


علاه ولعريس ميصورش ...والله امرك غريب ...

ومبعد كيوليو عندهم لولاد ...ويتفرجوا فالكاسيطة ...لوكان يسقسوا

على ابوهم ..كيفاش رايح يجاوبهم ...يقولهم ما تصورتش راهى غير

يماكم لتصورت ............شوية حبيت نقول ...لازم تكونى واقعية ..

__________________________________________________ __________

>>>> الرد الثالث :

عندما التزم بحجابي يصورو على رواحهم و كي تروح الكاميرا ندير واش بغيت ( دون اختلاط)

__________________________________________________ __________

>>>> الرد الرابع :

السلام عليكم
بالنسبة لي الكاميرا ميش مليحة في الأعراس وجانبها السيء أكثر من الايجابي
لانو ناس بزاف تتأذى منها وكاين اللي ميحبش مرتو تخرج في الكاميرا ومن حقو
كي يكمل العرس الناس كامل تتفرج عليها ومن غير الطبيعي خاصة في الأوساط النسائية كل وحدة تجي للعرس تنحي حجابها وتقول راهو ميش مختلط
وفي الأخير تظهر الناس كل شافتها بلا حجاب وكلو بسبب الكاميرا
إذا من الأحسن اللي يجيبها يصور العروس فقط والعريس كذكرى لهم

__________________________________________________ __________

>>>> الرد الخامس :

السلام عليكم ورحمـة الله
لا أحب إلا الكـاميرا الخـاصـة بعرس في بيتنـا فقطـ
أمـّا مـادون ذلك من أعراس الأقارب الأقربـاء ، فإذا كنت أرتدي الحجـاب لا أبالي طبعا،
أما إذا كنت غـير ذلكـ ، فأنا أختفـي تمـاما عن عدسـة الكاميرا
أما بالنسـبة للمتزوجـات ... فهن يرفضن الكـاميرا رفضا مطلقا سواء من أنفسهن أو من أزواجهنّ ..
إلا العجـايز فقط