عنوان الموضوع : الزواج بالمراة العاملة( الخدامة خاصة كي تكون شيخة)
مقدم من طرف منتديات العندليب

اخواتي اخواني حبيت نطرح هدا الموضوع و انشاء الله نلقى ردود و تفاعلات من عندكم
الموضوع الا و هو الزواج بالمراة العاملة
في وقتنا هادا بزاف رجال يحبو المراة تكون خدامة
الشي الي خلاني نطرح هاد الموضوع لاني نعاني منو
انا فتاة في مقتبل الزواج و نخدم استادة عندي 3 سنوات من الخدمة و من الي بديت الخدمة يتقدمولي رجال للازواج غير علجال خدمتي و دائما نرفض هاد الشيء و خاصة كي يسمعو بلي راني مرسمة
تمنيت انو يجي واحد يكون اخر همو الخدمة تاعي جاتني كي شغل انا نهمم برك لاني خدامة
نتمنى انكم تعطيوني رايكم و نصائحكم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حسنا اختي نظن انت جديدة هنا

هذا الموضوع ناقشناه كثيرا لكن نعطيك نصيحتي لك

إذا تشوفي صح طامعين في شهريتك


كي يجيك خاطب أول شيء قوليلو حابة نحبس العمل وشوفي ردة فعله

أو إسأليه واش هو يحبك تخدمي أو تقعدي في الدار

والله مكانش احسن من الرجل اللي يحب زوجته تقعد في البيت

وصعيب باش تعرفي الصدق من كلامهم

تقبلو مروري

__________________________________________________ __________

>>>> الرد الثاني :

نصيحة مني لك
كانت تعمل معي استاذة وكانت ترد الخطاب لسبب من الأسباب ولكن حدث مالايحمد عقباه
فاتها سن الزواج وهرمت والآن ندمانة على ما أقدمت عليه
فهي الآن بدون زواج وعمرها تجاوز الأربعين
الزواج نعمة للفتاة وكذلك للرجل
فان تقدم خاطب يخاف الله وذو أخلاق فلابأس
وليس كل خاطب يطمع في أجرك فهناك أصناف
فيوجد من الرجال الذي لايعتمد على مال زوجته ويغضب حين يسمع ذلك

__________________________________________________ __________

>>>> الرد الثالث :

انا مع الاخ الدي قال اقترحي عليه نيتك في ترك العمل و انظري مادا يفعل.للاسف يوجد الكثير من الرجال يبحث عن المراة العاملة من اجل اجرتها و انا اعرف الكثير من هدا النوع.يعني يحبو يتزوجو من العاملات باه من بعد هو يرقد و الشهرية تحطيهالو في يدو.
رجال تاع اخر الزمان.الرجولة تاع الصح هو الي يرفض انه ياخد دينار من مال زوجته الا عند الحاجة الشديدة.و انا اكيد ان الزوجه لن تمانع في مساعدة زوجها ان رات فيه السعي و العمل و لكن ملحقش.و الاستادة مليح تتزوج واحد موظف كيفها باه واحد ما يطمع في الاخر
رب يزوجك ولد الحلال

__________________________________________________ __________

>>>> الرد الرابع :

حتى المرأة اذا كل مرة ترفض الخطاب ومع هذا الوقت اللي رانا فيه ؟؟
...شي صعيب ...

ربي يقدر الخير للجميع
ويستر على شباب و بنات المسلمين

آمين


__________________________________________________ __________

>>>> الرد الخامس :

الناس معآآآآآدن
إذا جاءكم من ترضون دينه وخلقه فزوجوه
وأتركوكم من هذه الأاحسآسيس الوهمية