إذا خطبت يكرهوك بعض الناس.......؟ ف الحياة الزوجية

[hanan]

عنوان الموضوع : إذا خطبت يكرهوك بعض الناس.......؟ ف الحياة الزوجية
مقدم من طرف منتديات العندليب

- مقولة لعلها يرددها الكثير من الناس وهي:

أنه قبل الخطوبة كان يلاقي إحتراما و إهتماما و قبولا إجتماعيا من طرف أقاربه وكذا مع من يعملن معه.

لكن وبعد الخطوبة مباشرة و بمجرد سماعها من طرفهن تتغير نظرتهن إتجاهه و يقل التعامل معه.

وخاصة أقاربه مثلا خالته أو عمته ......الخ ...وهذا بحجة أنه لم يخطب بناتهن ..........
هذا حسب تصريحات من عايشن التجربة.

لكم النقاش:
الى أي حد ترى هاته التصرفات حقيقية وواقعة.

وهل البنت ترى في من هو غير متزوج أو خاطب أنه يكون من نصيبها.....
تفضلوا و لكم مني فائق الشكر و الإحترام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أوليدي باين عليك عندك مشاكل مع لافامي ديالك
و يحوسوك تدي بنتهم اذا كانت مشاكلك معاهم قبل ما تناسبهم دايرة هكا، أمالا كي عاد تناسبهم شارايحين يديرو فيك ؟
بعد تصلح
و مبروك عليك الخطبةو لعقوبة للزواج و لوليدات

__________________________________________________ __________

>>>> الرد الثاني :

المشاركة الأصلية كتبت بواسطة fifisara أوليدي باين عليك عندك مشاكل مع لافامي ديالك و يحوسوك تدي بنتهم اذا كانت مشاكلك معاهم قبل ما تناسبهم أمالا كي عاد تناسبهم شارايحين يديرو فيك و مبروك عليك الخطبةو لعقوبة للزواج و لوليدات

لالا ما عنديش مشاكل و الله الحمد لله ....ومازال ما خطبت ....و إذا كتب ربي ندي بنت الفاميليا نتاعي و راه المشكل.

برك نسمعوهم يقولوا الناس اللي تزوجو انهم من بعد الخطوبة تبدلت بزاف ناس معانا و خاصة في الخدمة؟

سؤالي كيفاش تشوفوا نتوما هاذي الهدرة و إلا صرات معاكم.


شككرا ........أما بخصوص الخطوبة إنشاء الله كي نلقاو راني نخبركم.

__________________________________________________ __________

>>>> الرد الثالث :

مبروك عليك الخطبةو لعقوبة للزواج و لوليدات

__________________________________________________ __________

>>>> الرد الرابع :

عاش من شاف مواضيعك خويا .واش نقلك حنا الحمد الله مريحين من هاذي الجهة تاع مالينا لانو زواج الاقارب راه قريب يولي عندنا من المحرمات معنتها ماندو من عندكم ماتدو من عندنا و انا الي يقربولي كامل نشوفهم خواتي معنتها منحيتهم من الحساب سوغتو الي نتلاقاهم و نعرفهم نيشان و الله انا بنت عمي بغات تخطبني لوليدها و انا مابغيتش لانو يقربلي و هي ماعجبهاش الحال قتلهم في الدار مانروح لماليا مانكسر راسي واحد يبعد خير و زيد زعاف يمات و لا مشاكل طول الحياة.و الشي الي قلتو يا خويا ماشي كامل لبنات يخممو هكا معنتها كون انا نخمم هكا احوجي والله نهبل قبل مانتزوج راني نتخيل في كل راجل ماشي متزوج يكون ليا راح نخفاف قبل ماندي واحد فيهم و زيدبلاك يغيضني الحال كون يكون عاجبني و يروح يخطب و زيد والله مانبينلو لانو راح نطيح من قيمتي و زيد اذا كان مكتوبي راح يجي لعندي و بسيف عليه و بلا انا مانجري ليه

__________________________________________________ __________

>>>> الرد الخامس :

المشاركة الأصلية كتبت بواسطة soso sirin عاش من شاف مواضيعك خويا .واش نقلك حنا الحمد الله مريحين من هاذي الجهة تاع مالينا لانو زواج الاقارب راه قريب يولي عندنا من المحرمات معنتها ماندو من عندكم ماتدو من عندنا و انا الي يقربولي كامل نشوفهم خواتي معنتها منحيتهم من الحساب سوغتو الي نتلاقاهم و نعرفهم نيشان و الله انا بنت عمي بغات تخطبني لوليدها و انا مابغيتش لانو يقربلي و هي ماعجبهاش الحال قتلهم في الدار مانروح لماليا مانكسر راسي واحد يبعد خير و زيد زعاف يمات و لا مشاكل طول الحياة.و الشي الي قلتو يا خويا ماشي كامل لبنات يخممو هكا معنتها كون انا نخمم هكا احوجي والله نهبل قبل مانتزوج راني نتخيل في كل راجل ماشي متزوج يكون ليا راح نخفاف قبل ماندي واحد فيهم و زيدبلاك يغيضني الحال كون يكون عاجبني و يروح يخطب و زيد والله مانبينلو لانو راح نطيح من قيمتي و زيد اذا كان مكتوبي راح يجي لعندي و بسيف عليه و بلا انا مانجري ليه

الله يسلمك أختي والله أنا ثاني نشوف هكذا نورمال ...بنات عمي و لا خوالي كي خوتاتي وممكن أنني ما نخممش نهار أنني رايح نزوج بيهم......لكن هذا الشي اللي قلتوا سمعتوا بزاف من ناس .....قلت بالاك يسرى معانا .