عنوان الموضوع : نقاش حول قضية تعارف الرجل و المراة قبل الزواج ف الحياة الزوجية
مقدم من طرف منتديات العندليب

السلام عليكم

نقاش حول قضية تعارف الرجل و المراة قبل الزواج

فمثلا اذا كنت في مكان العمل و قد وصلت الساعة12.30 سأقترح لزملائي في العمل لذهاب لشراء / من المطعم بيتزا او سندويتش


وفي كل مرة الاحظ فتاة تاتي مع زميلاتها لشراء الغداء جميلة تبان ذو اخلاق و بنت الناس وتعجبني كثيرا السؤال ماذا افعل و هنا كاين اتجاهين حسب تفكير المشاركين و المشاركات في المنتدى
اتجاه المشاركين الملتزمين اذهب مباشرة و طرق باب دارها وهنا لدي مشكلة 1- الفتاة لاعرفها لاسمها لا لقبها او مقر سكناها .
تقولولي روح سقصي عليها السؤال وين الروح انا اسكون في العاصمة ولاية كبيرة و ليس في قرية ناس كامل تعرف بعضها مثلا اذا تخدم في بنك او شركة ساذهب الى مقر عملها و ابدا بطرح الاسئلة للموظفيين على هذه الفتاة الجملية
و حتى اذا نفترض انني عرفت وين تسكن رحم والديكم نروح دق باب دارها يخرج بباها نقول اسلام عليكم جيت نخطب بنتكم.........
3 قولت الطفلة عجبتني لكن بما انني لم اتكلم معها فانا لاعرف شخصيتها و عقليتها المظاهر خداعة
4 كيف روح نخطب و انا منعرفش الرد الفعل اذا نعجبها و لا لا روح انبهدل بروحي عندي كرامة
ام الاتجاه الثاني هوانا معه ان اذهب للكلام و تعرف على الفتاة في اطار الاحترام و الاخلاق بطبيعة الحال و اذا عجبنا بعضنا راني نتقدم لخطبتها لكن هنا المشاركين اقولوا هده علاقات حرام


نفترض اني لاا تكلم مع فتاة و سادهب لخطبتها مباشرة بلا ما نعرف عقليتها اذا تناسبني ام لا لكن عندي الحق انني اتكلم معها في مرحلة الخطوبة مع وجود والديها هما راهم فرحنين بنتهم راح تزوج اليس كدلك وهنا المشكل اذا تكلمت معها مدة الساعة و لقيت شخصيتها ما تعجبنيش قولي في هده الحالة واش راح الندير نقولها السمحيلي ا بصح راني راح النبطل و نفسخ الخطوبة و نوض و نخروج من الدار عادي و نخليها تبكي سمحلي هاذي صعيبة و نخلق عقدة للفتاة

هناك فكرة اخرى حيث هناك من يقول ان تعارف بين الرجل و المراة قبل الزواج لايهم لانهما سيمثلان دور يقدمان فيه الصفات الحسنة اي يكدبان اما في الزواج التقليدي فلا هذا تفكير غريب فعلا لان اذا كانا يلعبان دور المثالية و يكذبان في الايام العادية ماهو الشيئ الذي يمنعهما من الكذب و تمثيل في ايام الخطوبة




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله عجبني موضوعك اخي الي تتكلم فيه على نفسك
انا بنت ونفكر كيما هكا ديما هذا يسموه الخوف من المجهول كاين ناس حساسة بالزاف وتخاف تتقدم في خطوة ومتلقاش نتيجة اجابية
الخطوة هذي لازمها شويا ثقة بالنفس اول حاجة وثاني حاجة عول على ربي روح اخطبها باش متندمش اذا تخطبت لواحد اخر انت ديما تشوف فيها وعجباتك شوف وين ارهي تسكن تبعها دير اي سبب بلى ماتعرف او شوف وحدة تكون واسطة بيناتكمم باش تعرف دارها وسقسي عىل البنت واهلها ومن بعد روح للبنت قول ليها حاب نخطبك وشوف ردة فعلها ومن بعد ماتتسرعش احكي معاها اسبوع وشوف رايها ومن بعد تروح لدار اخطبها وقولها اذا تفاهمنا نكملو متفاهمناش حاجة ربي ومتنساش انو بنت الفاميليا عمرك ماتندم عليها وبعد الخطوبة تتفاهمو وربي يكملك

__________________________________________________ __________

>>>> الرد الثاني :

والله يا اخي قريت خطرا في وحد الكتاب تاع الدين على هذو الحوايج قريت فيه بلي من حق الرجل يسقسي على الطفلة و يهدر معاها قبل ميخطبها بصح في الاطار الشرعي يعني يروح للدار يدي والديه و يهدر للوالدين يقولهم انا طفلة منعرفهاش و حاب نعرفها و ان شاء الله انا نويها للحلال من بعد يخليكم وحدكم بصح تحت المراقبة و يخليكم تهدرو مع بعضكم و اذا عجبتك عقليتها تخطبها و اذا لا سمحونا و خلاص و انا نقولك اهدر معاها اعرف حوايج حاب تعرفهم باش من بعد اذا كتبهالك ربي متطلقوش و شكرا

__________________________________________________ __________

>>>> الرد الثالث :

خويا سقسي عليها اذا عندك خواتاتك قلهم عليها وهم يجيبولك كل شيء النساء ماتخفاهمش في هذا الجانب قل لخواتاتك عليها ورايحين يلقاو طريق ليها ماتحيرش

__________________________________________________ __________

>>>> الرد الرابع :

بارك الله فيك على هاد الموضوع اخي
انا من رايي اتقدم ليها واخطبها واتعرف عليها هادا من حقك ومن حقها هي تاني تتعارفو واهلكم بكونو على علم دا عجبتك بالبركة وادا ما عجبتكش كل شي بالمكتوب غير الزواج لي ماشي بالسيف وما تقولش بلي راهي رايحة تتعقد على خاطرش الناس كامل يعرفو بلي الزواج راهو مكتوب
شوية ارادة خويا وربي يوفقك وتكون من نصيبك ان شاء الله وتاكد انو طريق الحلال منور باذن الرحمان
وما تنساش تعرضناااااااااا

__________________________________________________ __________

>>>> الرد الخامس :