عنوان الموضوع : لذوي القلوب الرحيمة : من أجل الحمل الزوجية
مقدم من طرف منتديات العندليب

انا متزوجة منذ 08 أشهر والى حين لم احمل كنت اخذ حبوب منع الحمل في 02 اشهر الاولى وتوقفت بعد شهرين خاطر لقيت عندي تكيس في مبايض وعادتي شهرية غير منتظمة وداويت عند 03 أطباء كلهم عطاوني نفس دواءعادتي شهرية لحد الان مش منتظمة وراكم عارفين في مجتمعنا يضغطو على المرأة من كل نواحي دايرينها غير هي سبا عييت مقدرتش من عائلة زوجي وانو هو الوحيد في دارهم ولازم يكون عندهم حفيد
سؤالي: 1-هل ضطراب في الدورة الشهرية يؤدي الى تاخر الحمل
2- وهل حبوب منع الحمل ايضا تودي الى تأخر الحمل خاطر بزاف الي قالولي كي خديتي حبوب منع الحمل من خطرا لولة يؤدي الى عقم عافانا الله
3- هل من نصائح للحمل السريع واذا وحدة من خاوتنا طبيبة او اختها طبيبة تستشيرها والله يجعلها في ميزان حسناتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نورمالمون كي روحتي عند طبيبة مدتلك دوفاستون لتنضيم الدورة؟و نتي درتي تحاليل؟ اختي 8 اشهر مراهمش ياسرين ادعي ربي و ان شاء الله تحملي و تفرحي

__________________________________________________ __________

>>>> الرد الثاني :

يعطيك صحا ختي لالا كامل مدولي utrogestan 200 وراني في شهر 4 وانا ناخذ فيه مدارلي والو
وتحاليل قالولي كلشي نورمال وخطرا تالية كي رحت قالتلي طبيبة كيس لي كان في مبيض ذاب وحمد لله بصح فاتت عليها شهرين ومكان حتا نتيجة

__________________________________________________ __________

>>>> الرد الثالث :

8 شهور قليل ما تتقلقيش انا بقيت مع زوجي تسع شهور باش حملت وما شربت حتى موانع حمل لا قبل الزواج ولا في اول الزواج عادي انتي ديري تحاليل كان ماعندك والو ادعي ربي واستني

__________________________________________________ __________

>>>> الرد الرابع :

8 اشهر مش بزااااف اختي كاين اللي راهم في سنوات وحامدين ربي اصبري وادعي وتصدقي بنية الانجاب ضرك تفرحي
ومش غير انتي تزوري طبيبة حتى زوجك لازم يزرو الطبيب باه تبعدو الشك ربي يرزقكم الدرية الصالحة

__________________________________________________ __________

>>>> الرد الخامس :

يا أختي خذي بالأسباب أنت و زوجك و توكلا على الله و أكثرا من الصدقة

و حاولا أن ترقيا أنفسكما فكلام ربنا عزوجل كله شفاء

وإذا لا تعرفين كيف ترقين نفسك ما عليك إلا الدخول إلى محرك بحث - قوقل مثلا - و أكتبي رقية تأخر الحمل و ستجدين الكثير من الطرق

ربي يرزقك الذرية الصالحة آمين