عنوان الموضوع : كل ام تدخل تقول تجربتها في تعود طفلها على الحمام لرعاية طفلك
مقدم من طرف منتديات العندليب

سلام حبيباتي
انا عندي طفل عمرو عامين وشهرين ربي يحفظو ويعطيلو طولة العمر في الطاعه والخير ويحفظ كل اطفالكم يارب
حبيت نعود طفلي على الحمام ( دورة المياه أعزكم الله ) حتى يتعود خلاص عليها ويصير يروح وحدو
هو ماشاء الله عليه بدا يفهم ولما يدير حاجة في الحفاظ يخبرني ولما نديه للحمام مايعرفش
فا حبيت نستفاد من تجربة كل أم مع طفلها كيفاش عوداتو على الحمام
كل وحده تدخل تعطينا تجربتها في هاذ الموضوع لكي تستفاد من هي مثلي وكل ام جديدة تبحث عن طريقة لهذا الموضوع المهم
وأرجو تثبيت هذا الموضوع للاستفادة
انتظر تجاربكن وردودكن يا امهات


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ابني نزعتلو الحفاظ في وقت مبكر على الاولاد الي في سنو جاتني ساهلة قبل مايرقد نديه للحمام ونقولو دير بيبي حاشاكم المهم وفي الليل على 12 نوضو ونحطلو الحيبوسة في الدوش ونديه وهكدا حتي تعود وصار هو الي ينوضني باش يروح للتوالات والحمد لله في عمرو 4 سنوات ادعيلي ربي يحفظولي هو واخوه وتهلاي في الانوش

__________________________________________________ __________

>>>> الرد الثاني :

وعليكم السلام هو من الاحسن تعليم الطفل المرحاض رفع الله قدركم في فصل الصيف انا علمت ولادي في سن مبكرا ولكن ابني الصغير عمره عامين واربعة اشهرأ حترت معاه لانو مختلف عن اخواته وكثير الحركة ومشاغب من صغره ربي يحفظه رغم انو مشاء الله يعرف كل شئ ويفهم ويقول على الصبح عطيني حليبي ولكن مايعرفش يقول فيا بيبي اعزكم الله وعيت معاه بالطرب ونخوفه بالشمعة ومازال ماتعلم راني غير بالعسة ولوكان سهيت عليه نلقاه عملها وطريقتي هي انو كي ينوض الصبح ويشرب الحليب لازم على طول نديه للمرحاض رفع الله قدكم ومن بعدها كل ساعة اوساعة ونصف وخصوصا رانا في فصل الشتاء وزيد هو كل صغير وكيف كاين الي يتعلم بسرعة وكاين العكس كيما بنات عمه توام مشاء الله عليهم تعلموا بسرعة ربي يحفظلنا ولادنا واولاد المسلمين اجمعين ويكبرهم في طاعته موووفقة حبيبتي

__________________________________________________ __________

>>>> الرد الثالث :

المشاركة الأصلية كتبت بواسطة omnadjem.10
انا ابني نزعتلو الحفاظ في وقت مبكر على الاولاد الي في سنو جاتني ساهلة قبل مايرقد نديه للحمام ونقولو دير بيبي حاشاكم المهم وفي الليل على 12 نوضو ونحطلو الحيبوسة في الدوش ونديه وهكدا حتي تعود وصار هو الي ينوضني باش يروح للتوالات والحمد لله في عمرو 4 سنوات ادعيلي ربي يحفظولي هو واخوه وتهلاي في الانوش

ربي يحفظلك اولادك ويكونو من البارين يارب اختي ام نجم. انا نديرلو هكذا بصح مايديهاش ونقول بلاك مافيهش بيبي حشاكم طبعا. بصح يروح لمكان اخر ويديرها
نتمنى من الاخوات الأمهات يزيدو يفيدونا بتجاربهم ويتجاوبو معانا للافادة

__________________________________________________ __________

>>>> الرد الرابع :

المشاركة الأصلية كتبت بواسطة dahby83
وعليكم السلام هو من الاحسن تعليم الطفل المرحاض رفع الله قدركم في فصل الصيف انا علمت ولادي في سن مبكرا ولكن ابني الصغير عمره عامين واربعة اشهرأ حترت معاه لانو مختلف عن اخواته وكثير الحركة ومشاغب من صغره ربي يحفظه رغم انو مشاء الله يعرف كل شئ ويفهم ويقول على الصبح عطيني حليبي ولكن مايعرفش يقول فيا بيبي اعزكم الله وعيت معاه بالطرب ونخوفه بالشمعة ومازال ماتعلم راني غير بالعسة ولوكان سهيت عليه نلقاه عملها وطريقتي هي انو كي ينوض الصبح ويشرب الحليب لازم على طول نديه للمرحاض رفع الله قدكم ومن بعدها كل ساعة اوساعة ونصف وخصوصا رانا في فصل الشتاء وزيد هو كل صغير وكيف كاين الي يتعلم بسرعة وكاين العكس كيما بنات عمه توام مشاء الله عليهم تعلموا بسرعة ربي يحفظلنا ولادنا واولاد المسلمين اجمعين ويكبرهم في طاعته موووفقة حبيبتي

أمييييييييييين ويحفظلك اطفالك ويفرحك بيهم أختي. انا صح بديت نعلمو وهو عندو عام وشوية كيما بدات الصيف تدخل ورجع ماشاء الله يدير كيما نقولو. لكن لما جات الشتاء وبرد الحال رجع مايحبش .شكررا على الافادة اختي الغالية

__________________________________________________ __________

>>>> الرد الخامس :

كل هاذ المشاهدات ماشاء الله وماكانش ردود او تجارب. ياامهات الخير وصاحبات تجارب انصحونا وخلونا نستفادو منكم.في انتظاركن