عنوان الموضوع : الىى كل الامهات الله يعطيكم ما تتمناو جابوني لتربية جيدة
مقدم من طرف منتديات العندليب

السلام عليكم اخواتي كيما قريتو من العنوان راني حابة من كل ام تعطيني تجربتها راح نحكيلكم و انتوما جاوبوني انا عندي بنت عمرها عام و 8 اشهر راني مقلقة عليها بخصوص الكلام يعني كامل الطفال اللي في عمرها بداو يقولو ماما و بابا او هي مازالت ما تقول حتى كلمة كانت احيانا تنطقهم لكن الان حبستهم تماما نعرف وحدة صحلتي عندها طفل في نفس عمرها يتحدث و عندما تقوليلو اي حاجة يفهمها مثلا لما تقولو اغلق الباب يغلقو او مدلي حاجة يمدهلها لكن انا بنتي لما نتحدث معاها ما تسمعليش احيانا راني خايفة الا خذا سبتو من التلفاز لاانني خطرات نديرلها قناة طيور الجنة .ولهذا خممت كي ندخل نخدم في سبتمبر نحطها في الروضة قلت باش تندمج مع الاطافل و تتعلم شوية.تعيشو شو رو عليا ادا معليش نحط بنتي في الروضة في هذا السن و اللي دخلو اولادهم للروضة هل الروضة مفيدة للاطفال .سامحوني اذا طولت عليك


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا اختي ماتتقلقيش عليها وعمره ولا تقارني طفل مع طفل في النمو كاين لي يوقف على تسع أشهر وكاين عام باش يقعد
اذا كانت هي وحيدتك معندهاش كونتاكت مع الصغار عادي يتأخر نطقها شوي
طيور الجنة والتلفزيون غلط كبير الكل يقع فيه يحطو ولادهم قدامهم باش يهنوهم بصح شحال من طبيب مختص. لاحظو ان لي يتبع طيور الجنة يتأخر النطق وإذا نطق ماينطقش نيشان انت حاولي تتكلمي معاها وتسميلها الأشياء بأسماء ها ومتخليهاش قدام التلفزة وهي راهي تسجل الكلمات ونهار لي تنطق تنخلعي فيها
بالنسبة للروضة اذا صبتي روضه تقة والخدامة تاعهم ملاح أكيد راح تنفعها لانه الطفل يتفاهم مع الأطفال والعناد راح يعاونها
ولدي عنده عام ونص وان شاء الله سبتمبر يدخل للروضة بصح مرتين في الأسبوع برك حتى يوالف الصغار وتعلم الكلام لانه كلشي عنده بابا. حتى أنا يلغا لي بابا

__________________________________________________ __________

>>>> الرد الثاني :

Salam ya okhti 1_toyor el jana ana a3wnatni fi banti parcsque tahdar ma3houm et tsiyi trani wachnou dirilha wakt ana dayra 1heure ngasamha 30minutes sbah et fa lil 30minutes wala meme pas
2-lazam tahadri ma3ha et tfahmiha avec les gestes kima hadi mama hada papa hada al bab hada el kass.l
3_lazamlak al khatar
Et inchalah rabi yahfadha et yahfadh awladna kamal

__________________________________________________ __________

>>>> الرد الثالث :

المشاركة الأصلية كتبت بواسطة khalti doudja
salam ya okhti 1_toyor el jana ana a3wnatni fi banti parcsque tahdar ma3houm et tsiyi trani wachnou dirilha wakt ana dayra 1heure ngasamha 30minutes sbah et fa lil 30minutes wala meme pas
2-lazam tahadri ma3ha et tfahmiha avec les gestes kima hadi mama hada papa hada al bab hada el kass.l
3_lazamlak al khatar
et inchalah rabi yahfadha et yahfadh awladna kamal

يعطيك الصحة اختي على الاجابة

__________________________________________________ __________

>>>> الرد الرابع :

اختي كل طفل وكيفاش مثلا عندي بنت خويا عندها عام و شهرين مازال موقفتش على كرعيها ، يعني شيء عادي ، انت قلت متسمعنيش تاكدي فقط أنها معندهاش مشكل في السمع و بقية الأمور عادية ان شاء الله
الحضانة مليحة للطفال باش يندامج مع اطفال في سنو و يتعلم اذا كانت مربية مليحة ، وتعرف تتعامل مع الأطفال

__________________________________________________ __________

>>>> الرد الخامس :

المشاركة الأصلية كتبت بواسطة أم أحمد عبد الصمد
اختي كل طفل وكيفاش مثلا عندي بنت خويا عندها عام و شهرين مازال موقفتش على كرعيها ، يعني شيء عادي ، انت قلت متسمعنيش تاكدي فقط أنها معندهاش مشكل في السمع و بقية الأمور عادية ان شاء الله
الحضانة مليحة للطفال باش يندامج مع اطفال في سنو و يتعلم اذا كانت مربية مليحة ، وتعرف تتعامل مع الأطفال

نشكرك بزاف اختي على الاجابة بالنسبة لمشكلة السمع هي تسمع جيدا فقط هي ما تردش عليا لما تكون تلعب او ملتهية بكاش حاجة