ابنتي لا تاكل تربية الطفل
عنوان الموضوع : ابنتي لا تاكل تربية الطفل
مقدم من طرف منتديات العندليب
[U]السلام عليكم
بنتي عندها عام و نصف والله يا ناس راني نعاني بنتي ولات ماتاكلش كامل غييييير بالسيييييف او قبل ما تاكل تشم الماكلة
باش اتشوف ويدا تحل فمها ولا لالا مع العلم انها كانت تاكل كل شىء والله ماما نضربها او فمها ماتحلوووووش
او زيد الحليب ولات ماتشربوش كي تشوف البيبرون تبدا تباوع
راني خايفة كيفاش اندير معاها او زيد كاين كاش حاجة بالاك راهي باللقية ولا واش??????
ايه حقا تشرب بزاااف الماء
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
salam, balak rahi tnawadh f senan
attileha tes jouets tale3ab bihoum bech telehiha ou wakeliha. ou seyi tebadeli le menu
__________________________________________________ __________
>>>> الرد الثاني :
انا تاني ولدي عندو عامين ونصف وماياكل والو. ولا كيما سكولات. يبغي غي سوالح الحلوين متل الياغورت الشكولا والحلوى ...... واقيلا ضروس. راهم يخرجولها وكليها البطاطا مع الجزر زيديلها جبن وملعقة لحظة. باش تجيها بنينا. ومين تبغي توكليها لعبي معاها وفي نفس الوقت وكليها.
__________________________________________________ __________
>>>> الرد الثالث :
المشاركة الأصلية كتبت بواسطة miloumilou 
salam, balak rahi tnawadh f senan
attileha tes jouets tale3ab bihoum bech telehiha ou wakeliha. Ou seyi tebadeli le menu
المشاركة الأصلية كتبت بواسطة cokis katerina
انا تاني ولدي عندو عامين ونصف وماياكل والو. ولا كيما سكولات. يبغي غي سوالح الحلوين متل الياغورت الشكولا والحلوى ...... واقيلا ضروس. راهم يخرجولها وكليها البطاطا مع الجزر زيديلها جبن وملعقة لحظة. باش تجيها بنينا. ومين تبغي توكليها لعبي معاها وفي نفس الوقت وكليها.
شكرا على الرد
والله غير نلعب معاها او نديرلها طيور الجنة مي ولات ماشي هي
او زيد تحب غير الحلاوي والشيكولات او الياغورت الي كانت تموت عليه ولات تاكل بالضرب
__________________________________________________ __________
>>>> الرد الرابع :
يا حساره عليكم، الطفل لي ياكل الحلوى راه يربي" الدود"في كرشه ولازمه علاج لانه يفقد الشهية ويولي جلد على عظم. اقطعوا عليهم الحلويات ايا كان نوعها
__________________________________________________ __________
>>>> الرد الخامس :
المشاركة الأصلية كتبت بواسطة " أبو عبود"
يا حساره عليكم، الطفل لي ياكل الحلوى راه يربي" الدود"في كرشه ولازمه علاج لانه يفقد الشهية ويولي جلد على عظم. اقطعوا عليهم الحلويات ايا كان نوعها
والله نحبهالها ان شاء الله
شكرا
رد مع اقتباس
