عنوان الموضوع : كيفية التعامل مع حمى التلقيح للرضع تربية الطفل
مقدم من طرف منتديات العندليب

السلام عليكن اخواتي
انا اول مرة نكون ام و بالتالي هناك تخوفات كثيرة على هذه الحياة الجديدة نتمنى من ذوي الخبرة في التربية ينوروني بنصايحهم خاصة فيما يخص حمى الاطفال و ايضا كيف ازيل قشرة الراس مع العلم ابنتي ربي يحفظهالي عندها ثلاثة اشهر و ربي يجازيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يحفظلك بنتك وتتربى في عزك و عز باباها ربي يفرحك بيها حتى تشوفي ولادها
بالنسبة لقشرة الراس انا كنت نحط لولدي الفازلين فالمساء و فالليل نمشطلو بالمشط الرقيق خلاص بالصح غير مالفوق مانوقفش اسنان المشط باه مانجرحوش وفالصباح نغسله بالماء دافي والشومبوان حتان يتنحى التزيات تاع الفازلين و كي ننشفلو نزيد نمشطلو شوي هو يطول شوي بالصح يتنحى انا كنت نديرلو مرة فالاسبوع خاطر كان الشتاء وداري باردة
ونهار الفاكسان قبل مانديه نديرلو شميعة تاع السخانة وكيما نروح نحطلو قطن فيه الخل على بلاصة الابرة وعسيلها السخانة من الوقت للاخر وكون تطلعلها ديري بين الشمعة والشمعة 6 ساعات ديريلها الخل فالتقاشير ولبسيهملها وبربي تفوت سلامات ومايصرالها والو

__________________________________________________ __________

>>>> الرد الثاني :

مرحبا اختي
انا كدلك اول مره نكون ام ..نعطيك تجربتي مع ابني عنده 8 اشهر
شوفي اولا بالنسبة لقشرة الراس اشري فازلين من عند الفارماسي وامشطيلها بالمشطه ضيك الصغيره انتع الاسنان الصغيره ....وفي الصباح اغسيليلها بالشامبو عادي مره زوج راح تتنحلها القشره
اما بالنسبة للحمى انا ابني دائما دائما حاكماتو الحمى لازم اولا الترمومتر تشريه وتحطيه بجنب ...وكتكون كاينه فاكسه ديريلها شميعه قبل لتديها ...وكتجيبيها مباشره ادهنيلها بلاصه الابره بالعسل الحر ....هدا قاتهالي طبيبه ...
وادا حكمتها الحمى ديريها تقاشر حشاك وعمريهم بالخل وحطيهملها في رجليها ....وديريها كمادات انتع ماء الزهر او لامناء البارد فوق جبينها ورجليها ويديها وتحشاي منطقه الصدر اختي..
هدا وش تفكرت كشما نزيد نتفكر نقلك اختي
موفقه

__________________________________________________ __________

>>>> الرد الثالث :

السلام عليكم اختي
انا تاني راني ام جديدة ربي يعينا
بخصوص حمى التلقح راهي عادية مي كي ديري لل بيبي الابرة تم تم ديري شميعات تاع دولبران الغوز
و كل ستة سوايع عاوديلو وحدة حتان تروح السخانة
و لازم دائما معاك ترمومتر
اما بخصوص قشرة الراس كنت ندهنلها راسها بزيت الزيتون و استعمل مشط تاع الاسنان و نمشطلها غير بالشوي حتان راحتلها كامل
دوكا رانا في الصيف بالاك على الكليماتيزور يضربو و في راسو من الزيت اغسليهلو
ربي يجيب الخير

__________________________________________________ __________

>>>> الرد الرابع :

رانا نعانو من نفس المشكل بخصوص القشرة شكرا على الموضوع ختي راني استفدت معاك وبلااكي الفاكسا تع 3اشهر واعرة بزاف عندي ايام ملي درتها لوليدي قريب قتلتهولي الحمى ما كانش علابالي بلي ندير الشميعات قبل الفاكسا خليتو حتى طلعتلو الحمى وولا غير يبكي وما يرضع ما يسكت ما يرقد 24 ساعة وهو في حالة كنت نديراو الشميعات كل اربع ساعات مي ما تفوتيش 4 في النهار وبردتو بالماء البارد وشربتلو الما بزاف ورضعتو من عندي ودرتلو كمادات الخل وما الزهر
هههههه
هذا كامل وصرا فيه العجب وخوفني بزااااااااااااف خاطر هذا الاول نتاعي


__________________________________________________ __________

>>>> الرد الخامس :

أ
نا كرهت الفاكسا من الحمى
أنا بنتي درتلها الفاكيا تاع 4 أشهر و درتلها الشمعة قيل و الله في الليل حكمتها الحمى و لات تنازع كيما كبار .....يا رب إحميها كي نتفكر تحكمني الخلعة