عنوان الموضوع : كيف تكونين ملكة مطبخك للمرأة
مقدم من طرف منتديات العندليب

السلام عليكم أخواتي
متضحكوش على المشاركة نتاعي هي راهي باينة من العنوان وباش نوضح أكثر السؤال مش موجه ليك بشكل شخص
أنا عندي فكرة و حابة ناخذ الرأي نتاعكم يهمني بزاف
نفرضو راكي ف البيت نضتي الصباح بكري صليتي قريتي الورد اليومي تاعك
واش معتادة انتي ترجعي ترقدي (فنيانة كيفي) ولا تروحي للكوزينة
راني نقصد الماكثة بالبيت طبعا
أنا و بصراحة عمري مدخلت للكوزينة قبل يما و لا اختي الكبيرة
وعلا خاطرش راني مقبلة على الزواج حابة نسيي ف نهار (يمكن غدوة ان شا الله إذا عاونتوني) نوض بكري
ندخل الكوزينة نوجد قهوة (القهوة ساهلة مدام كاين براس) نوجد الحليب (مكاش أسهل منو)
mais?????????????
واش نحطلهم معاهم دايمن نتخيل روحي ف بيت زوجي واش ندير
ماذا بيا تعطيني أفكار من عندك
كي ينوضو رح يفرحو أكيد يلقاو القهوة واجدة و معاها .........
غسيل الماعن و التنشاف و الديكور كلهم ساهلين
الفطور؟؟؟؟؟؟؟؟؟؟؟؟؟؟؟؟
واش فكرتك للفطور
العشية واش معتادة تحطي قهوة ولا شي وجبة خفيفة؟؟؟؟؟؟؟؟؟؟
و العشا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بزااااااااااف ضايعة عاونوني بآرائكم من فضلكم
والله محتاجة نستفاد منكم
متبخلوش علي بالرد
راني نستنى
ليلة سعيدة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا حنونتي مدام راكي مقبلة على الزواج لازم عليك تكوني شاطرة.........انا هذا عامي الاول فدار على خاطر كونت نقرى فالجامعة وماكونتش نخدم بزاف غير في ايام العطلة بصح دوركا راني غير مع خدمت الدار وزيد نقلق من الدار علا خاطر مانيش مالفتها
بصح نحاول نقتل وقتي ياش مايكونش عندي فراغ شوية خدمت الدار شوية كروشي شوية النت..........وبزاف حوايج ....ومازلت نوض بكري يعني نصلي الفجر ونرقد شوية ونوض.....ونصيحتي يا اختي تستغلي فرصة انك مازلتي في دار والديك و تتعلمي شغل الدار والطياب وتهزي منعندهم الخبرة باش توري شطارتك في دارك والانسان على قد ما عاش على قد متعلم......المهم كي تروحي لدارك تسلكي راسك وتباني بلي راكي فحلة وشاطرة......وبالتوفيق ان شاء الله.

__________________________________________________ __________

>>>> الرد الثاني :

شكرا أختاه على إفادتك حتى أنا خريجة جديدة من الجامعة و جا مشروع الزواج هذا على غفلة مكنتش موجدتلو
ف جميع الحالات ربي يجيب الخير
ميرسي عليك حنونة
ربي يجازيك كل خير

__________________________________________________ __________

>>>> الرد الثالث :

العفو حنونة و وحدة وحدة برك وتتعلمي كلشي انا تاني مخطوبة و ما زلت متعلمتش كلش المهم نسلك راسي و حبيت نقولك نصيحة انا مطبقتها اشري مذكرة صغيرة واكتبي فيها الاكلات الي تعلمتيهم كامل وكي تروحي لدارك راح تنفعك انا درت وحدة وكتبت فيها الي تعلمتو كامل وبعض الوصفات الي يعجبوني وكل الملاحظات والنصائح الي نحتاجهم.ديرها وراح تنفعك بزاف.

__________________________________________________ __________

>>>> الرد الرابع :

شكرا أختي على النصيحة فعلا مفيدة و مثيرة للاهتمام
ولكن أردت آراءك و آراء الغير من أخواتنا لأنها مفيدة وكما تعلمين العمل الجماعي يحفز أكثر على النجاح
ربي يهنينا ان شا الله
شكرا جزيلا

__________________________________________________ __________

>>>> الرد الخامس :

شوفي يا ختي

سقسي المجرب ما تقسيش الطبيب


اناتاني كنت كيمانتيا


ديت معايا كراس كاتبة فيه كلمل الوصفات لي ديرخم يما


مين روحت لدار راجلي

لقيت روحي نقلي ليفريت في زيت دافية و تلسقلي البطاطا فالمقلى


ضحكوا عليا حتى شبعوا


وممبعد حطيت راسي وتعلمت كلش


نصيحة

تعلمي في دار باباك

باش ما يضحكوش عليك

كول يوم ديري حاجة