عنوان الموضوع : Pommes de terre en robes des champs المطبخ الجزائري
مقدم من طرف منتديات العندليب

السلام عليكم طباخي وطباخات المنتدى
اليوم جبتلكم وصفة فرنسية رائعة ولديدة جربتها اليوم وصورتهالكم المهم
نأخد عدد من حبات البطاطا حسب عدد الأشخاص نحطهم يغليو لمدة 15 دقيقة بقشرتهم يعني مانقشرهمش ما يطيبوش كليا لكن ما يهمش من بعد نخرجهم لما يبردو نقسمهم على زوج بالطول ونبدا نسحب فالبطاطا الي لداخل بواسطة شوكة -فرشيطة- ونخلي شويا على الأطراف باش تبقى القشرة متماسكة نحط البطاطا في صحن كبير نزيدلها ملح فلفل أسود معدنوس مقطع رقيق و جبنة البقرة الضاحكة حسب الرغبة و نزيد كدلك تونة - نعاود نعمر هاد الخليط في القشرة اللي نحيت منها البطاطا ونحط عليها جبن شيدار مبشور ونحطها في الفرن نشعل الفرن من الأسفل فقط لمدة 10 دقائق تم نشعل عليها الفرن من الأعلى ونطفيه من الأسفل باش يتحمر الجبن المبشور ونقدمها دافئة وشهية طيبة نتمنى تسيوها وتعجبكم وهادي الصورة اللي درتهم أنا اليوم وزينتها بشوية فلفل عكري للزينة فقط



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا حبيببتي رائعة

__________________________________________________ __________

>>>> الرد الثاني :

خرجت مليحة,نشتي البطاطا
يعطيك الصحة

__________________________________________________ __________

>>>> الرد الثالث :

امممممممم يعطيك الصحة

__________________________________________________ __________

>>>> الرد الرابع :

تسلمي عزيزتي رأيت هذه الوصفة في قناة فتافيت.

__________________________________________________ __________

>>>> الرد الخامس :

بارك الله فيك نجربوها ان شاء الله