عنوان الموضوع : البيتزا الشرقية واسمحولي على التاخير طبق جزائري
مقدم من طرف منتديات العندليب

السلام عليكم ورحمة الله

مقادير العجينة :

2 حبات بيض
فنجان تاي زيت
20 غ ملح
1/2 لتر ماء دافي
2 ملاعق كبار حليب بودرة
ملعة سكر
2 ملعقة كبيرة خميرة العجين
الفرينة حتى تتلم

لاصوص طوماط :

كيلو طماطم (الطماطم نشفوها من تحت كانوا حرف x ونخلوها تغلي شوي في الماء )
حبة بصلة مقطعة على 4
الثوم 4 فصوص
فلفل احمر مرحي العكري حسب الرغبة والكمية تكون ملعقة كبيرة

الديكور :

زيتون اسود
لحم مرحي او تن
شوي زيت الزيتون حسب الرغبة ونرشوها بالوز ايفيلي محمص

تحضير العجينة :

نبداو بالسوائل البيض +الزيت ونخلطوا مليح وثم السكر وحليب البودرة + الماء الدافي منكبوهش كامل ونخلطوا مليح ونحطوا شوي فرينة ومن بعد نخلطوا غير بالاصابع مش عجن ونكملوا كامل الكمية تع الماء ونزيدوا الفرينة حتى تتلم تبقى جارية ونزيدوا الخميرة العجينة متتدلكش تتلم برك ونخلوها تخمر
تحضير لاصوص:

نقطع البصل الى 4 والطماطم بعد ما تغلي ننزعوا القشور منها ونقطعوها ونحطوا باقة عطرية رند وزعيترة + ملح +العكري +1/2 فنجان تاي ماء +الثوم وهي فوق النار وكي تكتك مليح نحوا الباقة العطرية ونرحوا الخليط في الميكسور الخلاط
لما تخمرلنا العجينة مرة نفشوها ونزيدوا نخمروها ونزيدوا نفشوها للمرة الثانية ومن بعدنخلوها تنزل و نشكلوها ونحطوا في البلاطوا ونكبوا لاصوص واللحم و اللوز حتى تطيب وتكمل نرشوا شوي زيت من فوق حسب الرغبة
ملاحظة : كي نحطوا لاصوص الحواشي ندهنوهم بالزيت باه يتحمروا وتطيب في فرن عالي الحرارة وكل واحد على حساب الفرن تاعوا


[]


بصحتكــــــــــــــــــــم وصحا فطوركم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة اختي وصحة فطورك

__________________________________________________ __________

>>>> الرد الثاني :

تهبببببببببببببببببببببببببببل اممممممممممممم

__________________________________________________ __________

>>>> الرد الثالث :

سلمت أناملك , ويتقبل الله منا ومنكم الصيام والقيام

__________________________________________________ __________

>>>> الرد الرابع :

miam miammmmmmmmmmm delicieu

__________________________________________________ __________

>>>> الرد الخامس :

جزاك الله خيرا
وجعله في ميزان حسناتك