عنوان الموضوع : الميوناز من مطبخي
مقدم من طرف منتديات العندليب

ممكن طريقة صنع الميوناز


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

- بيضة كاملة طازجة و بحرارة الغرفة
3/4- كاس متوسط زيت
2- ملاعق كبيرة سكر ( من الأحسن sucre glace )
1- ملعقة صغيرة ملح
1- كاس كبير ماء
4- ملاعق كبيرة نشاء
3 ملاعق كبيرة عصير ليمون
* القليل من مبروش الليمون ( اختياري ) ZEST
5- حبات جبن

الكيفية :

* حطي الماء البارد + النشاء في إناء وحركيه مليح و صفيه و حطيه في كاسرول على النار و حركي بسرعة و باستمرار بواسطة مضرب يدوي حتى يثقال الخليط مليح و يصبح مثل الغراء، طفي عليه النار و خليه.
الصور توضح أكثر :
هنا خلطت الماء البارد و النشاء جيدا ، حتى تحصلت على خليط بلون الحليب

هنا صفيتو ، شوفو الصفاية ما فيها والو لأن الماء البارد النشاء ذاب كامل
https://www.up.djelfa.info/uploads/13603983520542.jpg
لما يغلي الخليط يتحول من اللون الأبيض إلى لون شفاف ذو قوام مثل الهلام ، أثناء طهي الخليط لازم تحركوه بواسطة الضراب اليدوي و بسرعة حتى لا يتكتل النشاء

شوفو كيفاش جامد

* حطي البيضة في العجانة ( لأن السرعة وقوة الخفق نتاع العجانة أكبر من الباتور ، وإذا ماعندكش عجانة استعملي الباتور و حطيه في السرعة القصوى ، لكن العجانة تعطيك أحسن نتيجة) ، اخفقي البيضة بالسرعة القصوى ( الهدف من هذا هو الحصول على مايونيز خفيييف ) .
* لما يطلع البيض مليح أكرر حتى يطلع مليح و يصبح مثل الكريمة الثقيلة ماشي رغوة خفيفة، أضيفي الزيت قليلا قليلا على شكل خيط رفيع.
* أضيفي عصير الليمون مبروش الليمون le Zest + الملح+السكر ، مع الخفق.
* أضيفي خليط النشاء و اخفقي .
* أضيفي الجبن واخفقي .
أفرغي المحتوى في إناء وأحكمي إغلاقه و ضعيه في الثلاجة .
- ملاحظة:
- لا يستهلك مباشرة ، لازم يبرد في الثلاجة على الأقل 1-2 ساعة باش ما يضرش لما يكون سخون.
- حضري دائما كمية قليلة من المايونيز واحتفظي به في الثلاجة ، يعني لما تستعمليه رجعيه مباشرة إلى الثلاجة وحافظي عليه دائما بارد ،لأن المايونيز المنزلي يفسد بسرعة فهو لا يحتوي على مواد حافظة.
- هذه الوصفة تحتوي على كمية زيت أقل من الوصفات الأخرى و تحتوي على بياض البيض اللي يخلي المايونيز خفيف.
- لما تستعملي العجانة رايحة تختصري الوقت وتتحصلي على النتيجة المثالية ( حوالي 10دقائق و انتهى )

شوفو شحال جامدة و حاكمة روحها و ماشي جارية ، تماما كيما اللي تتباع :



شوفو كي هزيتها في الهواء كيفاش جامدة :



شوفو بيضة دارتلي كمية كبيرة مع أن البيضة اللي استخدمتها صغيرة تقولها بيضة نتاع حمام هههه



شوفو واش درت بيها البارح :


جربوه و ردولي بالخبر ، راني نستنى في تطبيقاتكم .

__________________________________________________ __________

>>>> الرد الثاني :

واش اكرام راكي عقاب الكوزينة
جربي واعطيني نذوق هههههه

__________________________________________________ __________

>>>> الرد الثالث :

ايه راني عقابها
علابالك ماما راهي مريضة وانا الكبيرة ف الدلر حصلت فيا

__________________________________________________ __________

>>>> الرد الرابع :

معليه حنوونة
ربي يشفي يماك يا رب

__________________________________________________ __________

>>>> الرد الخامس :

ربي يشفيها شفاء لا يغادر سقما
شوفي حنونة حطي حبة بيض كاملة وشوية زيت وشوية قارص او خل وثوم وملح ولا حبيتي حبة جبن طري واضربيها بال l bras

وزيدي الزيت بلعقل واضربي مليح وهكذا حتى تشوفيها طلعت وولات ماشي ذايبة
وبالهناء والشفاء