عنوان الموضوع : مشكلتي مع الجاري من مطبخي
مقدم من طرف منتديات العندليب

ارجو من ذوي الخبرة مساعدتي بنصيحة و بخبرتهم خصوصا ناس الشرق
عندي مشكلة في الجاري او الشربة فريك انا نحاول نقلي البصل و الحشيش مليح بصح دائما يبقى ميدوبش
كيطيب و نطفي عليه يبقى البصل و لحشيش كما راح و ك نأكل الجاري عند الناس مانشوف لا بصل ولاحشيش
علاه انا ميحبش يروح وين المشكلة ؟؟؟؟؟؟؟؟
اتمنى تكونو فهمتو وتجاوبوني و تعطوني السر اللي مازال انا ماعرفتوش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ارحيهم في الميكسور وقلي ملييييح

__________________________________________________ __________

>>>> الرد الثاني :

نرحيهم في الميكسور ؟؟؟؟ نجربها
شكرا على النصيحة

__________________________________________________ __________

>>>> الرد الثالث :

ختي حنا نصفيو المرقة تاع الجاري لازم يجي صافي يهبل
باه يجيك بنين كتري البصل
انا ندير زوج حبات متوسطين باه مام نصفي يجي خاتر وبنين


__________________________________________________ __________

>>>> الرد الرابع :

أنا نرابي في لاراب أو في الميكسور البصل و الثوم و الطماطم و نحطهم في الكوكوت +طبعا اللحم و الحرور و الفلفل الاسود و الملح و المعدنوس و الدبشة و الزيت و الطماطم تاع الباط و نقلي على نار هادية حتى تتقلى مليح و مبعد نمرق بشوية بماء دافي و نحرك و مبعد نكمل التمراق و نغلق الكوكوت مدة نصف ساعة اكيد حسب اللحم هنا اللحم يكون نصف طياب نصفي المرق نتاعي و إظافة شوية طماطم و شوية ماء تاع الباط إذا ناقصة و نشمخ الفريك بالماء و مبعد نحيه من الماء و كي تغلي المرق نضيفو و نزيد الفلفل الحار و نغلق عليه حتى يكمل اللحم يطيب و يخثار طفي عليه و حطيلها شوية نعناع و دبشة و فلفل الحار و خطي عليه لحال التقديم و شهية طيبة (مدة الطياب حسب اللحم)
و الله راهو يشهي و هذه طريقتي و يعجبهم كامل
إسمحيلي طولت عليك

__________________________________________________ __________

>>>> الرد الخامس :

ارحي البصل مليح فقط
وخليه يتقلى مليح مع اللحم
استعملي الروبو