عنوان الموضوع : **فكرة رائعة لتقديم السلطة من مطبخي **
مقدم من طرف منتديات العندليب



أهلا أحبتيييييي صح رمضانكم كامل
جبتلكم اليوك فكرة لعل وعسى تعجبكم نقدروا نقولوا جديدة كمقبلة وكطريقة جديدة لتقديم السلطة خضار منوعة مع كاشير نتي والذوق نتاعك أختي و Présentable نوعوا شوي في تقديم السلطات خاصة كي يكونوا عندك ضياف أختي تقولها سلطة السيدة ملعة ههههه المهم الوصفة سهلة التحضيرومافيهاش حاجات مكلفة تبعوا معايا

مقادير العجينة :

100غ مارغارين
200غ فرينة
ملح ، فلفل أسود ، م ص فلفل أحمر ( فلفل عكري)
50غ فروماج طري أي تقريبا 2 مثلثات
م ك فروماج رابي لي عندك
نصف م ص خميرة الحلوى
م ك تونة نتاع الزيت ( تقدري تستغني عليها )
شوي ماء تلمي بيه العجينة

الطريقة :

نخدم المارغارين مع الفرينة + الملح متكتريش لان الفروماج مالح + فلفل أسود + فلفل أحمر + الفروماج طري والرابي وخلطي بيدك + التونة + الخميرة دخليها مليح في بعضها وزيدي غير شوي ماء وشوفي لازم تتشكل عندك عجينة طرية كيما السابلي
خليها ترتاح خطيها بكيس بلاستيكي لنصف ساعة

الان افرديها بالحلال بسمك 0,5 سم
بالسكين شكلي ملاعق تكون شوي كبيرة وحطيها في صينية مرشوشة بشوي فرينة



واثقبيها بالشوكة


ادهنيها بالبيض وشوي طماطم مصبرة أنا حبيتها تكون لونها أحمر



تحطيها طيب في فرن سخووووون من قبل بــ 15د درجة حرارة 180° في الوسط
كي تتحمر من تحت شعليلها من فوق تتحمر شوي وخرجيها
وهاهي واجدة





قدمتها مع سلطة منوعة بسيطة




نتمنى تكون عجبتكم الفكرة وتكون سهلة عليكم وتدعولي البنة بنيييينة هههههه

السلام عليكم





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مبدعة ماشاء الله فكرة رائعة روعة صاحبتها

__________________________________________________ __________

>>>> الرد الثاني :

شكرااااااااااا توتة الله يبارك فيك حبيبتي

__________________________________________________ __________

>>>> الرد الثالث :

فكرة مليحة يعطيك الصحة

__________________________________________________ __________

>>>> الرد الرابع :

الفكرة ممتازة بصح خاطيني انا تقلق ثم ثم راح نوريها لبنتي يعطيك الصحة افكارك في القمة

__________________________________________________ __________

>>>> الرد الخامس :

يمييييييييييييييييييييي راني نتشهى ونعاود هههههههه يعطيك الصحة
خموس على الشطارة