عنوان الموضوع : معقودة روعة من مطبخي طريقة جزائرية
مقدم من طرف منتديات العندليب

السلام عليكن ورحمة الله تعالى وبركاته

بسم الله الرحمان الرحيم

طريقتي الخاصة لتحضير المعقودة يعني لا أمررها لا في دقيق ولا في خبز مقلي ومرحي ولا في أبيض البيض ...مداقها روعة وحتى وإن باتت تسخن وتاكل كانها جديدة

أخليكم مع المقادير والكيفية

المقادير :

بطاطا مغلية في الماء أو مفورة ومهروسة
بقدونس
بيض حسب الحاجة
ملح
فلفل أسود
2 فصوص توم مهروسين
زعفران

الكيفية :

نخلط البطاطا مع جميع المكونات السابقة ونحرص على وضع البيض واحدة تلوى الاخرى حتى نتحصل على خليط متجانس متل الصورة



هنا أخدت ملعقيتن كبيرتين وأخدت شوي من الخليط بالملعقة لي في يدي الشمال وشوفو وش درت في المقلة بيدي اليمين الحاملة لملعقة أخرى شوفو الصورتين .


غدي تتشكل لينا كرة بطاطا سوف أبسطها بالملعقة شوفو الصورة حتى اليدين يبقو نقيين ونقدر نعمل حاجة أخرى في المطبخ



تقليها عادي من الجهتين حتى تتحمر وتاخد شكل جميل وتقدم مع أي طبق تحبين



واليكن الطبق يا أحلى عضوات



بالصحة والراحة ...نتمنى تجربوها بنينة وخفيفة ...أممممم هنا قدمتها مع سمك محشي بالكريمة

طبعا المعرف لي على الصور معرفي في منتديات أخرى



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم بارك الله فيك والله فكرة وطابت حمرا تشهييييييييييييي
ممممممم والله سخفتيني و هداك السمك الله الله
يعطيك الصحة اختي

__________________________________________________ __________

>>>> الرد الثاني :

المشاركة الأصلية كتبت بواسطة myliss
السلام عليكم بارك الله فيك والله فكرة وطابت حمرا تشهييييييييييييي
ممممممم والله سخفتيني و هداك السمك الله الله
يعطيك الصحة اختي

الله يسلمك أختي نورتيني واقيل غير نتي لي عجباتك الوصفة

تسلميلي

__________________________________________________ __________

>>>> الرد الثالث :

وش لبنات راح نحرم نحط وصفاتي ؟؟؟

__________________________________________________ __________

>>>> الرد الرابع :

تشهي الله يبارك

__________________________________________________ __________

>>>> الرد الخامس :

يعطيك الصحة اختي