عنوان الموضوع : اريد كيفية تحضير الشكشوكة طريقة جزائرية
مقدم من طرف منتديات العندليب

واش راكم راني حابه كيفاش نحضر الشكشوكه بالتفصيل انا من وهران و ماعدناش هدي الاكله و سمعتهم يهدرو عليها و قالو بنينه بزاااف ممكن تساعدوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
كل واحد وعلى حساب المنطقة نتاعو يحضر الشكشوكة
نعطيك وصفة :
طماطم مسكرفجة وثوم تحطيهم يتقلاو في شوية زيت
ممبعد تضيفيلهم فلفل مشوي مقطع قطع صغيرة وتخليه يتقلى معاهم
وتحطي ملح
كي تبدا تنشف ديريلها غير شوية ماء
ومتنشايش العكري
كي ينشف الماء
ضربي حبة بيض بالشوكة وأرميها على الماكلة وخلطي
دقيقة من بعد اللي تحطي البيض طفيلها

وكاين اللي في مكان الثوم يديرو البصل
لكن أنا نظن بالثوم رايحة تكون أحسن
وإذا درتيلها راس فلفل حار أو هريسة رايحة تكون لذيذة

__________________________________________________ __________

>>>> الرد الثاني :

ديدي انا مانحبش الهدرة بزاف
تشري ياأختى كيلو فلفل اخضر تشويه وتحطيه وهو سخون ياه حامى فى ساشي و خليه تم جبدى بالحبة ونقيها انزعى منها القشور شليها بالماء و انزعى فى الوسط تلك الحبيبات مع المنطقة لى فوق الرأس تم تقطعيها كيما تبغى اما طول او مربعات من جهة اخرى تكونى منظفة طماطم زوج حبات كبار و منزوع منها القشرة فوقانية
قشرى سنينات توم وحطيهم فى طنجرة مع قليل من الزيت أو سمن و قليهم حدارى التوم بلخف ينحرق تم زيدي الفلفل خضراء و قلى تم طماطم وزيدي ملعقة صغيرة طماطم مصبرة و قليل من السكر باش يروح الدوق تاع الطماطم و قليل من الماء نصف فنجان او أقل و تترك على النار تمتزج المكونات تم تزيدى البيض على حساب اختيارك

و شهية طيبة

__________________________________________________ __________

>>>> الرد الثالث :

ايه ما تنسيش الفلفل أسود الملح راهم هوما الصح و الله رانى فى شعال ما دخلتش الكوزينة

__________________________________________________ __________

>>>> الرد الرابع :

عندني في برج شكشوك هي بصل مقطع ريش وقطعي بطاطا مربعات وفلفل اخضر حلو اوحار.....وحبة طماطم وملح وفلفل احمر مرحي وطماطم مصبرة وزيت قليها مليح ثم زيدي شوية ماء وخليما طيب وفي نهاية كسري عليها البيض شهية طيبة

__________________________________________________ __________

>>>> الرد الخامس :

اختي واش من شكشوكة تع البصل و لا فلفل لحلو