عنوان الموضوع : طريقة تحضير لي زونشوا في البيت الباجيج طبخ جزائري
مقدم من طرف منتديات العندليب

االسلام عليكم ورحمة الله وبركاته

حبيت نشاركم بطريقتي في تحضير الباجيج الي هو لي زونشوا الملحين الي نحطوهم مع السلايط او في االبيتزات

نبدا بسم الله

ناخدو رطل لي زونشو ا و نقيهم مليح ونغسلهم





من بعد ناخدو علبة محكمة الغلق ونفرشها بالملح طبقة لاباس بيها
ونرتب حبات الونشوا حبة حبة ونكمل الطبقة ونزيد ندير الملح فوقهم ونزيد طبقة لونشوا وطبقة ملح حتى نكمل كلشي















من بعد غطيهم وحطي فوقهم حاجة تقيلة انا حطيت حطبة كانت عندي في الدار واغلقي عليهم وحطيهم في بلصة ما تكون سخونة ماتكون رطبة وتخليهم مدة شهر على الاقل راح تلاحظي مرة على مرة انو يطلق الماء تاعو فرغي الماء تاعو في بلارة واستحفظي به وكرري العملية مرتين او تلاتة وفالمرة الاخيرة راح تشوفي بلي نشف كامل هنا استعملي هاداك الماء تاعو ورجعيهولو

انا هادا وين درتهم كي يوجدو نزيد نصورهم ونحطهم


ان شاء الله يعجبوكم وكلمة شكر تكفيني

والي تحب تشوف التحضيرات الاخرى لشهر رمضان هاهو الرابط
https://www.djelfa.info/vb/showthread.php?t=1578301


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحه ليلو حنونه ماشاء الله عليك
وبارك الله فيك

__________________________________________________ __________

>>>> الرد الثاني :

بوركتي حبيبتي تعيشي قوليلي كم الوقت يستغرق باه يكون واجد وبارك الله فيك

__________________________________________________ __________

>>>> الرد الثالث :

يعطيك الصحه

__________________________________________________ __________

>>>> الرد الرابع :

يعطيك الصحة ليلو الله يبارك كل صبع بصنعة ربي يحفضك حنونتي و يعينك

__________________________________________________ __________

>>>> الرد الخامس :

يعطيك الصحة ليلو في انتظار الباقي