عنوان الموضوع : أول مـــــآئدة لي في المنتـــــــــدى ( مـــرحبآ بـــكنّ } طبخ جزائري
مقدم من طرف منتديات العندليب











صباح الخير عليكم

جبت معايا أول مآئدة نحطها في المنتدى

ان شاء الله تعجبكم

و راها غير حاجة بسيطة






حريرة الشفلور



سوفلي بالدجاج و اللحم مرحي و الباشميل



شلاطة خضرة مفورة





ان شاء الله تعجبكم مع أنها شيء بسيط و الكل يعرفوا
ســـــــــــــــــــــلآم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هايلة اختي وصضفة السوفلي ادا حبيتي وشكرا

__________________________________________________ __________

>>>> الرد الثاني :

اممممممممممممم شكلها يشهي الله يبارك ممكن وصفة حريرة الشفلور

__________________________________________________ __________

>>>> الرد الثالث :

هايلة اعطينا من فضلك وصفة السوفلي وشكراااااااااااااااااااااااااااااااااااااااااااااا ااا

__________________________________________________ __________

>>>> الرد الرابع :

المشاركة الأصلية كتبت بواسطة omnadjem.10
هايلة اختي وصضفة السوفلي ادا حبيتي وشكرا


شكرا لك أختي على الرد

بالنسبة للسوفلي

1 - العجينة : 3 كيلات فرينة .نص كيلة زيت - 3 ملاعق حليب لحظة . ملح . و خمارة تاع الخبز مذوبة في ماء دافى و شوي سكر
تعجنيها و تخليها تتخمر

2- الحشو : دجاج مطبوخ و مفتت مع لحم مرحي و توابل على حسب رغبتك و ثوم و حشاوش و فرماج و زيتون اخضر مقطع و كي يطيبو زيديلهم بشاميل ...بالنسبة لي نحب نكثرلها البشاميل ...

2 - التشكيل : بعدما تتخمر العجينة نفتحها بالحلال ماذابيك ترقيها شوي لانها تطلع و تتنفخ في الكوشة و اثقبيها بالشوكة ...حطي الحشو بعدما تبرد
و سكري العجينة رايحة تتشكل نص دايرة
ديرلها صفار البيض من فوق و ماذابيك اعملي ثقب صغير من فوق باه العجينة ما تتفتح


ان شاء الله تكوون وصلاتك الفكرة


__________________________________________________ __________

>>>> الرد الخامس :

المشاركة الأصلية كتبت بواسطة snds
اممممممممممممم شكلها يشهي الله يبارك ممكن وصفة حريرة الشفلور

ه
هههه اسمك يشبه الفرقة الكورية Girls generation

على العموم

ديري في كوكوط ..بصل مرحي و محمر في الزيت و الثوم و الحشاوش و التوابل و راس شفلور منقي و مقطع و الماء

كي يطيب الشفلور حطيه في ميكسور و ارحي و رجعيه للنار مع الفرماج باه يثقل و يخثار شوي

حطيه في صحن و زينيه بالحشاوش فرماج مرحي و شوي زيت زيتون

و بالصحة