عنوان الموضوع : طرشي الفلفل الحار من مطبخي بالصور طريقة جزائرية
مقدم من طرف منتديات العندليب

بسم الله الرحمن الرحيم
السلام عليكم


حبيت نفيدكم بطريقتي في صنع طرشي الفلفل او المرقد أو المخلل
كل واحد كيفاه يسميه
درتو قبل العيد بأسبوع لانو لازم يتحط اكثر من اسبوع او 15 يوم من صنعو
باه يجي بنين
صراحة رائع ننصحكم تجربوه كي يكون عندكم بزاف فلفل



قطعي قطع صغيرة فلفل+طماطم+ثوم+جزر بعد غسلهم جيدا ونشفهيهم تاني ملييييييح......وديريلهم شوية ملح


حطيهم على شكل طبقات في علبة حسب الحجم اللي بغيتيه



ديري زيت عادية حسب رغبتك انا درت نص ونص خل.......وقبل الزيت درت ملح مع الخل وخلطتهم امبعد افرغي هذاك
الخل هك يدخللهم الملح جيدا


و اذا بقى فراغ ف العلبة كملي عمريها بالخل لازم كلشي يتغطى باه ميفسدش ...... واغلقيها باحكام


بعد اسبوع فقط شوفو كيفاه خرجلي.....والطعم هايل
وحطي الطماطم والجزر ف النص ......طعمهم هوما تاني هايل
واذا خلصو تقدري تزيدي تقطعي حبة طماطم وزرودية وتحطيهم يتخللو






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

merciiiiiiiiiiiiiiiiiiiiii

__________________________________________________ __________

>>>> الرد الثاني :

ya3tik el saha ^^

__________________________________________________ __________

>>>> الرد الثالث :

يعطيك الصحة اختي

بصح حبيت نسقسيك اختي ديريلوا الملح ولا لا

__________________________________________________ __________

>>>> الرد الرابع :

المشاركة الأصلية كتبت بواسطة sali-sali
merciiiiiiiiiiiiiiiiiiiiii

المشاركة الأصلية كتبت بواسطة sourire d'enfer
ya3tik el saha ^^

المشاركة الأصلية كتبت بواسطة asmasama7
يعطيك الصحة اختي

بصح حبيت نسقسيك اختي ديريلوا الملح ولا لا

شكرا اخواتي نورتو

اختي اسمحيلي مذكرتش الملح ضرك ندير تعديل وشوفي كيفاه درتلهم الملح

__________________________________________________ __________

>>>> الرد الخامس :

يعطيك الصحة ان شاء الله نجربو ونردلك الخبر