عنوان الموضوع : هريسة خضراء حارة راح تعجبكم ياسرررررررررررررر من مطبخي
مقدم من طرف منتديات العندليب



تحياتي اخواتي وان شاء الله تكونو بخير
اليوم عملت شوية هريسة خضراء حارة

طبعا بطريقتي السهلة والبسيطة كالعادة


هده الايام الفلفل والثوم راهم باسعار مقبوله جدا ننصحكم تعملوها وتفوحو بيها خلطة البوراك
راح يجيكم بنين ياسسسسسسسسسر
كدلك تقدم مع الاكل للي يحب الحار
نجيب كمية من الفلفل الحار والحلو
انا خلطت لكن كمية الحار اكثر
المهم الحار انت التي تتحكمي به
ان شاء الله الصور راح توضح اكثر

نغسل الفلفل ونزع البدر ونخليه يستقطرمليح ونقي الثوم
نرحيه معاه



نظيفله الملح ونحطه يستقطر لمدة من 6الي 8 ساعات



ها هو بعد ما استقطر من ماءه





نظيفله كمية من الزيت والزيتون المقطع الزيتون يعطيه نكهة رائعة

عمر في اناء بلاستيك او زجاج ونحتفظ بها خارج الثلاجة حوالي اسبوع حتي يطيب الفلفل ومن بعد نخبيها في الثلاجة
وهده صورة مقربة للتشويق


راني حطيت الموضوع خفت الاولاد يمحو الصور وان شاء الله بعد اسبوع نصورو كي يطيب
ادا عجبتكم الوصفة دعوة خير تكفيني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة هذا احنا نسموه بوفجوخ في القديم نعملوه بالمهراس لكن الان نضغطوا على مجرد زر ويكون مرحي .. فكرتيني فيه درك نعملوا ان شاء الله

__________________________________________________ __________

>>>> الرد الثاني :

يعطيك الصحة اختي ام راضية طريقة هااايلة وساهلة

__________________________________________________ __________

>>>> الرد الثالث :

يعطيك الصحه اختي جاك هايل

__________________________________________________ __________

>>>> الرد الرابع :

السلام عليكم
كلمة شكر لا تكفي
ربي يجازيك كل خير
انا جربت الوصفة اللي حطيتيها للفلفل
إذا منيش ناسية الأحمر ولا للعضوة أنا أمهم
جات هايلة وتبعت طريقتك بالتفصيل
خاصة فيما يخص مرحلة كي نحلوه يستقطر كان ديما يفسدلي لاني نخليه بالماء
ربي يحفظك ويرزقك كل خير


__________________________________________________ __________

>>>> الرد الخامس :

فكرتيني فيه موالفة نديرو يجي هايل خاصة مع القلبان و المشاوي راح نديرو إن شاء الله شكرا