عنوان الموضوع : طريقتي الجديدة في تحضير أوراق الديول ناجحة جدا طبخ جزائري
مقدم من طرف منتديات العندليب

السلام عليكم جميعا اليوم جبتلكم طريقتي الجديدة في تحضير أوراق الديول بعد ماكنت نستعمل كاس ماء وكاس فرينة وشوية ملح لكن الأن راني نستعمل طريقة أخرى عطتهالي صحبتي جربتها وفعلا النتيجة هايلة بعد ما ضفتلها شوية تعديلات واش نقولك يا صحبتي بارك الله فيك ربي يحفظك ويخليلك زوجك وأولادك بدون إطالة نخليكم مع الوصفة

المقادير:

- 2 كيسان سميد متوسط.
- 1 كاس فرينة.
- مغرف كبيرة لحظة.
- 3 مغارف كبار زيت.
- مغرف صغيرة ملح.
- 3 كيسان ماء وشوية حسب كثافة العجينة.

طريقة التحضير:

في صحن عريض نحط كامل المقادير مع بعض نخلطهم بالفوي مليح مليح نخلو العجينة نتاعنا تريح حوالي ساعة او أكثر بمعنى قد ما تريح جي مليحة ثم نطيبوها كيما تعرفو كامل فالمقلة بالبانسوعلى البخار أو على النار مباشرة نخليكم مع الصور بالنسبة للصور الأولى حشيتهم بالبطاطا أما الصور الأخيرة درتهم بالسلق اممممممم.


البانسو لستعملتو كيما هذا

[IMG]
[/IMG]

[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]


[IMG]
[/IMG]

قبل ما ننسى هذي الورود نهديها لصحبتي وزوجها الكريم ونقوللها شكرا جزيلا على الوصفة في ميزان حسناتك ربي يخليكم لبعظكم وينجحلكم الأولاد وتشوفوهم في أعلى المراتب أدام الله نعمه عليكم


[IMG]
[/IMG]
[IMG][/IMG]
[IMG][/IMG]
[IMG][/IMG]




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا على الوصفة بالصح عندي سؤال انا جربت نطيب الديول بالصح استعملت البانسو تاع السليكون و ما نجحوليش
ممكن المشكل يكون في البانسو؟؟ يعني نجرب بانسو اخر ينجحلي؟

__________________________________________________ __________

>>>> الرد الثاني :

هايلة هايلة حتى انا كنت حابة وصفة نتاع ديول البانسو بالسميد
يعطيك الصحة باينة مليحة
شكرا جزيلا لك وبإذن اله نجربها قريبا جدا
جازاك الله كل خير عن اوصفة
وأكيد من يدين الصوامعية حاجة اخرى
تحياتي

__________________________________________________ __________

>>>> الرد الثالث :

الله يعطيك الصحة انت و صاحبتك

__________________________________________________ __________

>>>> الرد الرابع :

بااااااااارك الله فيك أختي و في صاحبتك
وصفة روووعة صح تاع السميد اللي يجو بنان أكثر
جعلها الله في ميزان حسناتك

__________________________________________________ __________

>>>> الرد الخامس :

أكيد نجربها و أنا مغمضة عينية بما أنها من وصفاتك ربي يحفظك و يحفظ صديقتك و عائلاتكم