عنوان الموضوع : وصفة سهلة واقتصادية (تورت) المطبخ الجزائري
مقدم من طرف منتديات العندليب

السلام عليكم هاذي اول مشاركة لي ان شاء الله تعجبكم
نبدا الوصفة على بركة الله



مقادير العجينة:
3 كيلات فرينة
1 كيلة زيت
1 ملعقة ملح
ماء

مقادير الحشو:
2 حبات بصل كبار
1 فلفل طرشي كبيرة
2 حبات طماطم كبيرة
3 سنات ثوم
ورقة رند
1 ملعقة كبيرة طماطم مصبرة
كسبر ومعدنوس
ملح
فلفل اسود
فلفل عكري
رشة قرفة

طريقة التحضير:

العجينة:

نخلط الفرينة مع الملح ونبسسها بالزيت ونلمها بالماء مع شوية عجن لازم تكون طرية مش يابسة ونخليها ترتاح


الحشو:
نقطع البصل براج ونقليها في شوية زيت نزيدلها الطرشي مقطع مكعبات وكي تذبال شوية نزيدلها الطماطم مقطعة مكعبات + سنات الثوم + ورقة الرند + طماطم مصبرة + التوابل لازم تنشف مليح من الماء تاعها وفي الاخير نزيد لحشاوش ومطفي عليها ونخليها تبرد


بعدما تريح لعجينة نقسمها على 4 ( هاذي الكمية تجي 2 خبزات ) نحل 2 طراف اللولين ونديرهم فلي مول ونثقبهم بالفرشيطة


نقسم الحشو ونعمر بيهم العجينة وفي الوسط درت حبة بيض وشوية من الفرماج اي نوع متوفر عندك


نغطي الحشو بالعجينة اللي خليتها ونزير مليح على طراف باش ما تتحلش فالطياب نحي العجينة الزايدة ونحاول بيدي نعطيها شكل مليح وندهنها بصفار البيض الي درت فيه قطرات قهوة


بالعجينة لي بقات ندير منها اشكال ونزين بيها وجه العجينة وندهنهم ثاني بالبيض وندخلها الفور طيب


وهاذا شكلها النهائي ان شاء الله تكون عجبتكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك ويعطيك الصحة اختي
4444444444444

__________________________________________________ __________

>>>> الرد الثاني :

يعطيك الصحة اختي روعة

__________________________________________________ __________

>>>> الرد الثالث :

444444444444بارك الله فيك

__________________________________________________ __________

>>>> الرد الرابع :

مممممممممممممممم تشهي يعطيك الصحة بارك الله فيك

__________________________________________________ __________

>>>> الرد الخامس :

يبارك فيك اختي شكرا