الى من تجيد الطهي بالتوابل .......ارجو مساعدتى المطبخ الجزائري
عنوان الموضوع : الى من تجيد الطهي بالتوابل .......ارجو مساعدتى المطبخ الجزائري
مقدم من طرف منتديات العندليب
ارجو مساعدتى في الطهى بالتوابل مثلا ماهى التوابل التي اضيفها للعدس واللوبياء والحمص وماذا اضيف للمرقة الحمراء والمرقة البيضاء والعجائن والنعمة ( الكسكس) .......و كم هي المقادير التي اضيفها مثلا راس الحانوت اضيف نصف مغرف كبيرة والكروية ربع مغرف وهكذا......وهل من الاحسن ان اقليها او اضيفها دون تقلية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
المشاركة الأصلية كتبت بواسطة mina80 
السلام عليكم
التوابل كي تروحي تشري يخبرك العطار كل وحدة ولاش تصلح
العدس الوبيا البيضاء كثري الكمون في رطل ملعقة انتاع قهوة
الحمص على حساب واش دايرة معاه بصح اللي طبعوه الحبة الطيبة السانوج رشة صغيرة الكمون الحرور السكنجبير بصح غير شوي
المرقة الحمراء
الحرور والكمون ورشة قرفة
المرقة البيضاء انا ندير العرق الاصفر والكمون الرند
الكسكسي والعجائن ابتعدي عن الحبكة الكحلة لانها تخسر مداق الطعام والقصبر ما ديريهش على الاطلاق انا نديره غير بالكمون كي يكون الدجاج اما اللحم فمن كثرش التوابل
الحريرة انت حرة انا من تيارت وعلى حسابنا حنا نديروها بالمرمز او حتى تشيشة الزرع نكثروا التوابل اصلا كاين توابل الحريرة يتباعوا وحدهم ادا حبيت او ما لقيتش نخبر التشكيلة راس الحانوت ما يندارش في كل شيء غير البركوكس او الحريرة
الطاجين الحلو القرفة عود باه ما تكحلش المرق العرق الابيض قرصة والنجمة
__________________________________________________ __________
>>>> الرد الثاني :
ارجو انك تفيدينا بتوابل الحريرة
__________________________________________________ __________
>>>> الرد الثالث :
السلام عليكم
كيما يقولوا ناس بكري الحريرة دوا
انا ندير فيها راس الحانوت نبتة اسمها قرطوفة الكمون الحرور الرند الفليو الزعتر تيمرسات قرصة قرفة الحبة الطيبة ولكن بمقادير قليلة جدا باه
ما تمرارش الحريرة والزعتر والفليو غير في الاخير
وهده الاعشاب مليحة للصحة وما تنحطش في الاول باه ما تفقدش القيمة انتاعها حتى تكملي قليان الخضرة واللحم
__________________________________________________ __________
>>>> الرد الرابع :
السلام انسيت نقولك المرمز هو الافضل غير من تشيشة الزرع يجي شباب
__________________________________________________ __________
>>>> الرد الخامس :
رد مع اقتباس
