عنوان الموضوع : الحمص القسنطيني دوبل زيت طريقة جزائرية
مقدم من طرف منتديات العندليب

السلام عليكم اخواتي الكريمات اطلب من كل واحدة تعرف الطبخة ان تفيدني بها في اقرب وقت ممكن فزوجي يطالبني دائما بتحضيرها مدة 10 سنوات خاصة اثناء فصل الشتاء ولقد اجتهدت وحضرت له الطبق ولكن في كل مرة يرفضه
ليس هذا الذي اكلته في قسنطينة لوجه الله حمرو وجهي جازاكم الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هدا الطبق من اصول جيجلية
اخده النازحون من سكان جيجل الى قسنطينة واخد شهرته هناك

طبق سهل جدا ولديد للغاية يوجد العديد من الولايات لا تعرف هدا الطبق
اليك الطريقة عزيزتي

ضعي قي قدر ثقيل القليل من السمن واللحم ملح *فلفل اسود وكمون واتركيها تتقلى
اضيفي لها راسين بصل والثوم واتركيها تتقلى على نار هادئة
اضيفي لها المعدنوس والدبشة والكرافس وخليها تتقلى وامرقيها
اضيفي لها الطماطم مرحية حبة او اثنين والطماطم المصبرة
ثم اضيفي الحمص بعد نقعه في الماء ليلة كاملة
غطي القدر ونقصي على النار وخليه يطيب كما يقرب يطيب اضيفي له حبة بطاطة مقطعة مكعبات
واتركيه حتى يتلبالك

عند التقديم اضيفي له الزيت
يكون اطيب ادا قطعتي حبة بصل مكعبات صغيرة وعند التقديم تضعيها فوق الصحن مع الزيت
يا اختي سخفتيني عليه بزاف
درك نطيبو للغداء
بالهناء والصحة

__________________________________________________ __________

>>>> الرد الثاني :

السلام عليكم لكن الحمص القسنطينى مالفين ناكلوه فى قسنطينة او هنا فى سطيف يطيبوه بدون لحم يتبلوه وخاصة الدبشة والكمون فى الاخير يقطعو فوقه البصل ويدوبليو الزيت يعنى زيت الزيتون لكن فيما مضى كانو يطيبوه فوق الجمر وعلى ما اضن ان اخواننا فى تونس يطيبوه بنفس الكيفية اختى اضن ان السر فى طيابو هو الطنجرة تكون ثقيلة والنار تكون خيفة ربى يوفقك اختى وتنجحى فى طيابها ويرضى زوجك

__________________________________________________ __________

>>>> الرد الثالث :

اليكي طريقتي والكل يشهد بانها لذيذة جدا

1-شوفي في الليل انقعي الحمص في ما دافئ +ملح
2-الصباح بدلي الما وحطيه في الكوكوت مع الماء الكافي طبعا واغلقي الكوكوت ساعة كاملة
3-بعد ساعة حلي الكوكوت الابدا يطيب حطيلو البصل +الثوم +الملح+الزيت +الكمون+الفلفل الاكحل ونقصي للنار خلاص وحطيلو الخميرة تاع القاطو ونقصي خلاص للغاز يعني النار مهيلة
4-الخميرة تخلي الحمص يطيب ويذوب خلاص يعني يولي طري جدا
5-في الأخير كي يطيب عاودي حطي : البصل +شوية برك ثوم +الكمون والزيت وخليه يزيد شوية فوق النار حتى يطيب البصل شوية برك
6-وكي تسربي في الصحن حطي شوية زيت في الوسط وفوقو الكمون والبصل نيئ اختياري أنا شخصيا ما نحطش البصل نيئ على الرائحة ونحط الهريسة يجي روعةةةة
شوفي كي نطيبوا نصورلك الطريقة

__________________________________________________ __________

>>>> الرد الرابع :

شهيتونا نشاء الله نجربو و نردلكم خبر مشكورين على الوصفة

__________________________________________________ __________

>>>> الرد الخامس :

شهيتونا في هذه الاكلة بارك الله فيكن