عنوان الموضوع : المولد النبوي الشريف طبخ جزائري
مقدم من طرف منتديات العندليب

مساء الخير والانوار اخواتي الكريمات اتنمى ان يلقى موضوعي هاذا قليلا من الاهتمام وليس كباقي مواضيعي التي اهملت تماما
بما ان المولد النبوي الشريف غدا او بالاحرى العشا تاعو غدا نتمنى من العضوات الكريمات كل وحدة تقولنا واش راح يطيبو للعشاء وما هي العادات والتقاليد لكل منطقة اللتي تسكن هي فيها هكا نعرفو تقاليد بعضنا البعض للاحتفال بمولد الحبيب المصطفى صلى الله عليه وسلم
انتظر تفاعلكن ايتها الكريمات سلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أهلا عزيزتي بالنسبة لعاداتنا نعملو الكعبوش بالتمر و الزبيب و المكسرات ، نعملو الرفيس او البركوكس كذلك الطمينة و البغرير و في السهرة نجتمع و ندرس السيرة النبوية عليه افضل الصلاة و التسليم وسلامــــــــــــــــــــــــــــي عزيزتي

__________________________________________________ __________

>>>> الرد الثاني :

المشاركة الأصلية كتبت بواسطة miri_27
أهلا عزيزتي بالنسبة لعاداتنا نعملو الكعبوش بالتمر و الزبيب و المكسرات ، نعملو الرفيس او البركوكس كذلك الطمينة و البغرير و في السهرة نجتمع و ندرس السيرة النبوية عليه افضل الصلاة و التسليم وسلامــــــــــــــــــــــــــــي عزيزتي

بارك الله فيك اختي الكريمة انك ما خجلتينيش ورديتي على موضوعي شكرا نتمنى من كامل الاعضاء التفاعل

__________________________________________________ __________

>>>> الرد الثالث :

شكرا على الموضوع الجميل أختي بالنسبة لعدات ناس خميس مليانة ليلة المولد في العشاء نديرو الرشتة بالدجاج أو الرفيس ثم نشعلو الشمع في كل غرفة من المنزل منخلوش حتى بيت بلا شمع وفي الغد ناكلو الطمينة مع القهوة نتاع الصباح .هذي من العادات والتقاليد ولكن لوكان نجو لصح في هذو الأيام نكثرو من الإستغفار والصلاة على النبي

__________________________________________________ __________

>>>> الرد الرابع :

سلام عليكم حنا عندنا عادة فليل ندرو لحنة لازم ونديرو رقاق كاين لي يقوله تريد هادي فليل
ولغدوة نديرو بركوكس وطمينة
وطبعا الصلاة واستغار كثرو منهم وربي يهنينا ويهنيكم
اه نسيت انا من وهران

__________________________________________________ __________

>>>> الرد الخامس :

المشاركة الأصلية كتبت بواسطة الصوامعية
شكرا على الموضوع الجميل أختي بالنسبة لعدات ناس خميس مليانة ليلة المولد في العشاء نديرو الرشتة بالدجاج أو الرفيس ثم نشعلو الشمع في كل غرفة من المنزل منخلوش حتى بيت بلا شمع وفي الغد ناكلو الطمينة مع القهوة نتاع الصباح .هذي من العادات والتقاليد ولكن لوكان نجو لصح في هذو الأيام نكثرو من الإستغفار والصلاة على النبي

عليه افضل الصلوات والسلام
شكرا اختي تقريبا هي نفس عاداتنا لكن احنا الاغلبية دير الشخشوخة وفي الصباح نديرو البسيسة او الطمينة متشرفين اختي بيك وبكامل ناس خميس مليانة