عنوان الموضوع : استغناي عن الطماطم المصبرة طريقة جزائرية
مقدم من طرف منتديات العندليب



عزيزاتي على بالي بلي كل ربة بيت تحب تقدم الافضل لعايلتها وبما انو في اغلب اكلاتنا كاين الطماطم المصبرة وخصوصا في رمضان جبتلكم هذي الطريقة وراتهالي خالتي يكثر خيرها نخليكم مع الطريقة

افتحي الطماطم على زوج انزعيلها البذور و عبزيها بيدك مليح وديريها فوق نار متوسطة حتى تنشف نحيها من النار خليها تبرد

علقيها في شاش طول الليل تقطر ومن بعد ارحيها في رحى نتاع الخضرة ديريلها العكري حلو انت وش تحبي ملعقة اقل او اكثر و المكون السري لي يزيدلها بنة ولون جميل هو العرق الاصفر او الكركم

جيبي عود او نص على حسب كمية الطماطم لي عندك اقليه في شوية زيت ثم دقيه
وزيديه للطماطم نتاعك

ديري عبر ملعقة في صاشيات و ديريها في الكونجيلاتور وكي تستحقي اجبدي صاشي او 2 انت وش تحتاجي ان شاء الله تكونو فهمتو الطريقة اي سؤال راني هنا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :





بارك الله فيك
نشالله تكوني مليحة نتي و العائلة الكريمة حنا رانا ملاح و مسلمين عليكم بزاف
و الله يا ختي نقصتي عليا تكسار الراس راجلي مهبلني أنا نحب الماكلة حمرا بزاف خاصة الروز و هو يقولي حمرتيها حتى جات قارصة بصح هاك نتهنى و نشالله نديرها راهو خاصني العكري

__________________________________________________ __________

>>>> الرد الثاني :

شكرا على الوصفة نجربها ان شاء الله

__________________________________________________ __________

>>>> الرد الثالث :

بارك الله فيك
يعطيك الصحة ام ميدو

__________________________________________________ __________

>>>> الرد الرابع :

المشاركة الأصلية كتبت بواسطة my lamis




بارك الله فيك
نشالله تكوني مليحة نتي و العائلة الكريمة حنا رانا ملاح و مسلمين عليكم بزاف
و الله يا ختي نقصتي عليا تكسار الراس راجلي مهبلني أنا نحب الماكلة حمرا بزاف خاصة الروز و هو يقولي حمرتيها حتى جات قارصة بصح هاك نتهنى و نشالله نديرها راهو خاصني العكري

نسيبتي العزيزة عايلتي كاملة تسلم عليك وخصوصا محمد يبعثلك بوسة كبيرة و بوسيلي لموستي حبيبتي

__________________________________________________ __________

>>>> الرد الخامس :

المشاركة الأصلية كتبت بواسطة منى2004
شكرا على الوصفة نجربها ان شاء الله

الشكر ليك عزيزتي منى نورتيني بمرورك العطر